‘अध्यागमन सम्झौता नभए सरकार सटडाउन जायज’ : ट्रम्प
प्रकाशित मिति : माघ २४, २०७४ बुधबार
अमेरिकी राष्ट्रपति डोनाल्ड ट्रम्पले सदनमा अध्यागमन सम्झौतामा सहमति काम हुन नसके आफू अमेरिकी सरकार सटडाउन हेर्न इच्छुक रहेको बताएका छन् । राष्ट्रपति ट्रम्पले विश्व आफूहरुलाई देखेर हासिरहेको बताएका छन् ।
उनले भने – ‘यदि हामीले परिवर्तन गर्दैनौं भने सरकार सटडाउनको सामना गरौं । हामीले सटडाउन नै गरेर बस्नेछौं । र यो हाम्रो देशका लागि जायज हुनेछ ।’
कुनै अध्यागमन सम्झौता हुन नसकी खर्च बिधयेक पारित हुन नसकेमा शुक्रबार विहानदेखि अमेरिकी सरकार पुन सटडाउन हुनेछ । मार्च २३ सम्म सरकार संचालन हुनसक्ने गरी रकम प्रदान गर्ने अस्थायी खर्च विधयेक प्रतिनिधिसभाबाट पारित भएपनि सिनेटबाट पारित नभए शुक्रबार विहानदेखि ट्रम्प कार्यकालको यो बर्षको दोश्रो सटडाउन सुरु हुनेछ ।
राष्ट्रपति ट्रम्पले अमेरिकामा बाल्यकालमा आएका कागजपत्रविहिनहरुलाई संरक्षण प्रदान गर्ने डाका कार्यक्रम खारेजीको घोषणा गर्दै स्थायी समाधानका लागि सदनलाई मार्च ५ सम्मको डेडलाइन दिएका छन् । डेडलाइन नजिकिदै गर्दा सदन डाकाबारे सहमतिमा पुग्न सकेको छैन ।
सोमबार ह्वाइट हाउसले डाकाबारे एउटा दुईदलीय विधयेक अस्वीकार गरेको छ । सिमा सुरक्षा, पर्खाल निर्माण, डिभी अन्त्य, चेन माइग्रेशन अन्त्य जस्ता विषय नसमेटिकनै सिनेटरहरु जोन म्याकन र क्रिस्टोफर कुन्सले ल्याएको बिल ह्वाइटहाउसले अस्वीकार गरेको हो ।