न्युजर्सीमा ट्रेन दुर्घटना, एकसयभन्दा धेरै घाइते (८ तस्विर)
प्रकाशित मिति : आश्विन १३, २०७३ बिहीबार
न्युजर्सीको होवोकन स्टेशनमा भएको ट्रेन दुर्घटनामा एकसय जनाभन्दा धेरै घाइते भएका छन् । बिहिबार विहान अत्यन्तै व्यस्त समयमा भएको दुर्घटनामा कुनै व्यक्तिको ज्यान गएको अधिकारीहरुले बताएका छैनन् ।
तर केही संचारमाध्यमहरुले तीनजनासम्मको ज्यान गएको बताएका छन् । न्युजर्सी ट्रान्जिटका प्रवक्ताले केहीको अवस्था चिन्ताजनक रहेको बताएकी छिन् । विहान पौने ९ बजे दुर्घटना भएको बताइएको छ ।
हरेक दिन कैयन नेपालीहरु समेत यो बाटो यात्रा गर्दै आएपनि दुर्घटनामा कुनै नेपाली परे वा नपरेकोबारे कुनै जानकारी प्राप्त भएको छैन । यो स्टेशन हरेक दिन हजारौं यात्रुहरुले न्युयोर्क सहरतिर आउनका लागि प्रयोग गर्दै आएका छन् ।
दुर्घटनाका केही तस्विरहरु / तस्विर श्रोत : हफिंगटन पोष्ट
