Follow @khasokhasmag

अमेरिकी जेलमा रहेका ७ कागजपत्रविहिनले सुरु गरे भोक हडताल


प्रकाशित मिति : पुस ४, २०७४ मंगलबार

देश निकालाको खतरामा रहेका अमेरिकी जेलमा रहेका ७ जना कागजपत्रविहिन आप्रवासीहरुले भोक हडताल सुरु गरेका छन् । संसदले क्लिन ड्रिम एक्ट पारित नगरेसम्म वा पारित गर्ने प्रतिबद्धता नजनाएसम्म भोक हडताल जारी रहने उनीहरुले चेतावनी दिएका छन् । ड्रिम एक्ट २०१७ ले १८ बर्षभन्दा कम उमेरमा अमेरिका आएका र कम्तीमा ४ बर्ष अमेरिकामा बसिसकेका कागजपत्रविहिनलाई शर्तसहितको ग्रिनकार्ड आवेदनका लागि अनुमति प्रदान गर्छ । यदि आवेदकले काम, शिक्षा र सैन्य सेवाका मापदण्ड पूरा गर्न सकेमा उनीहरु ग्रिनकार्डका लागि आवेदन दिन र अमेरिकी नागरिकता प्राप्त गर्न सक्नेछन् ।

अमेरिकी राष्ट्रपति डोनाल्ड ट्रम्पले डाका कार्यक्रम अन्त्यको घोषणा गर्दै यसबारै स्थायी समाधानका लागि संसद समक्ष आब्हान गरेर डेडलाइन तोकेकाले संसदले बिलम्ब नगरी ड्रिम एक्ट पारित गर्नुपर्ने भन्दै भोक हडताल सुरु गरिएको हो । उनीहरु गत शुक्रबार सिनेटर चक सुमेर र सांसद कार्लोस कर्बेलोको अफिसबाट पक्राउ परेका हुन् । पक्राउ परेदेखि नै उनीहरुले केही नखाई भोक हडताल सुरु गरेका छन् ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com