सामूहिक सीमा पार गर्नेहरूलाई तत्काल देश निकाला गर्न जर्मन गृहमन्त्रीको आग्रह
प्रकाशित मिति : १० आश्विन २०८३, शनिबार
Photo: Christian Lue/ Unsplash
जर्मनीका गृहमन्त्री अलेक्ज्याण्डर डोब्रिन्टले जुलाई महिनामा स्पेनको उत्तर अफ्रिकी भूभाग सेउटामा भएको जस्तै सामूहिक सीमा अतिक्रमण पछि व्यक्तिहरूलाई द्रुत प्रक्रियाबाट देश निकाला गर्न माग गरेका छन्।
म्यूनिखमा युरोपेली संघका समकक्षहरू र ईयू आप्रवासन आयुक्त म्याग्नस ब्रुनरसँगको बैठकको सुरुवातमा बोल्दै डोब्रिन्टले भने, “हामीलाई आप्रवासन संकट सम्हाल्न नयाँ युरोपेली संयन्त्रको आवश्यकता छ।”
डोब्रिन्टले सेउटाको जस्तै असाधारण परिस्थितिहरू ईयूको बाह्य सीमाहरूमा बारम्बार दोहोरिने गरेको बताए।
जुलाईको अन्त्यतिर मोरक्कोबाट ७२,००० भन्दा बढी मानिसहरू सेउतातर्फ प्रवेश गरेका थिए। यद्यपि, पछि तीमध्ये अधिकांश बाहिरिएका थिए। स्पेनको अनुमान अनुसार नाबालिगहरूसहित अझै १२,००० आप्रवासीहरू त्यस सानो क्षेत्रमा बाँकी रहेका छन्।
“यी तरङ्गहरू कुनै मानवीय आपतकालका कारण नभई गलत सूचना फैलाइएका कारण उत्पन्न भएका हुन्, डोब्रिन्टले भने। मानवीय आपतकालसँग सम्बन्धित नभएको असाधारण परिस्थिति उत्पन्न भएको अधिकारीहरूले निर्धारण गरेमा तत्काल स्वदेश फिर्ता गराउने द्रुत प्रक्रिया अपनाउनुपर्नेमा उनले जोड दिए।
डोब्रिन्टका अनुसार यस्ता परिस्थितिमा युरोपेली सीमा सुरक्षा एजेन्सी ‘फ्रन्टेक्स’ले २४ घण्टाभित्र द्रुत-प्रतिक्रिया बल खटाएर सम्बन्धित देशहरूलाई सहयोग गर्नुपर्छ।