ट्रम्पले गरे वासिङ्टन डिसीबाट घरबारविहीन व्यक्तिहरूलाई हटाउने घोषणा

नेपाल डेस्क

---

प्रकाशित मिति : श्रावण २५, २०८२ आईतबार

Trump

अमेरिकी राष्ट्रपति डोनाल्ड ट्रम्पले वासिङ्टन डिसीबाट घरबारविहीन (होमलेस) व्यक्तिहरूलाई हटाउने घोषणा गरेका छन्। उनले पत्रकार सम्मेलनमा सहरलाई “पहिलेभन्दा धेरै सुरक्षित र सुन्दर” बनाउने योजनाबारे घोषणा गर्ने बताए ।

ट्रम्पले घरबारविहीन व्यक्तिहरूलाई “सहरबाट बाहिर सार्नै पर्छ” भन्दै अपराध नियन्त्रण गर्ने प्रतिबद्धता जनाएका छन्।

तर, डिसीकी मेयर मुरियल बाउजरले भने “हामी अहिले अपराध वृद्धि भोगिरहेका छैनौँ” भन्दै ट्रम्पको भनाइको खण्डन गरेकी छिन्। गत महिना ट्रम्पले घरबारविहीन व्यक्तिलाई सजिलै गिरफ्तार गर्न सकिने एउटा कार्यकारी आदेशमा हस्ताक्षर गरेका थिए। गत हप्ता उनले संघीय सुरक्षाकर्मीलाई डिसीको सडकमा उतार्ने आदेश दिएका थिए।

आइतबार उनले फेरि एकपटक सामाजिक सञ्जालमा लेखे, “घरबारविहीन हरू तत्कालै बाहिरिनै पर्छन्। हामी तपाईंलाई बस्ने ठाउँ दिन्छौं, तर राजधानीबाट धेरै टाढा। अपराधीहरूलाई भने जेलमा हालिन्छ।”

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

ट्रम्पको यो योजना कस्तो हुनेछ भन्ने प्रस्ट छैन। तर, सन् २०२२ मा उनले बेघरलाई सहरबाहिरको सस्तो जमिनमा “उच्च गुणस्तरीय” मा राख्ने, शौचालय र स्वास्थ्य सेवा उपलब्ध गराउने प्रस्ताव गरेका थिए।

शुक्रबार उनले अमेरिकी पार्क पुलिस, ड्रग इन्फोर्समेन्ट एजेन्सी, एफबीआई र अमेरिकी मार्शल सेवालगायतका संघीय सुरक्षाकर्मीलाई वासिङ्टन डिसीमा पठाउने आदेश दिएका थिए।

उनले यो कदम “पूर्ण रूपमा नियन्त्रणबाहिर” पुगेको अपराध नियन्त्रण गर्नका लागि भएको बताए। यो आदेश १९ वर्षीय पूर्व सरकारी कर्मचारीमाथि डिसीमा भएको कारज्याकिङको प्रयासपछि आएको हो।

ट्रम्पको यो कदमबारे ह्वाइट हाउसका उप स्टाफ प्रमुख स्टेफन मिलरले अमेरिकी राजधानीलाई “बगदादभन्दा हिंसात्मक” भनेको टिप्पणीको मेयर मुरियल बाउजरले खण्डन गरिन्। उनले “युद्धग्रस्त मुलुकसँगको कुनै पनि तुलना अतिरञ्जित र गलत हो” भनिन्।

यद्यपि, वासिङ्टन डिसीको प्रतिव्यक्ति हत्या दर अन्य अमेरिकी सहरको तुलनामा अझै उच्च छ। यस वर्ष हालसम्म ९८ हत्याका घटना रेकर्ड भएका छन्। तर, संघीय तथ्यांकअनुसार गत वर्ष वासिङ्टन डिसीमा ३० वर्षकै सबैभन्दा कम हिंसात्मक अपराध दर देखिएको थियो, जसमा कारज्याकिङ, आक्रमण र लुटपाटसमेत समावेश छ।

वासिङ्टन डिसीमा करिब ७ लाख बासिन्दा छन्। जसमध्ये करिब ३,७८२ जना घरबारविहीन रहेको अनुमान गरिएको छ। कम्युनिटी पार्टनरशिप नामक संस्थाले बताएअनुसार, तीमध्ये करिब ८०० जना “सडकमा” बस्छन्।