टेक्सासका डेमोक्र्याट सांसदहरूलाई पक्राउ गर्न रिपब्लिकनको आदेश
प्रकाशित मिति : श्रावण १९, २०८२ सोमबार
अमेरिकाको टेक्सासका रिपब्लिकन सांसदहरूले डेमोक्र्याट सांसदहरूलाई पत्ता लगाई पक्रन आदेश दिएका छन् ।
उनीहरुले मतदान गरेर दर्जनौँ डेमोक्र्याट सांसदहरूलाई पक्राउ गर्न आदेश दिएका हुन । ८५ विरुद्ध ६ को मतको अन्तरले उक्त प्रस्ताव पारित गरिएको हो ।
डेमोक्र्याट सांसदहरुले एउटा विवादास्पद निर्वाचन क्षेत्र पुनःनिर्धारण योजना अवरुद्ध गर्न राज्य छोडेका भनेर आरोप लगाइएको छ ।
टेक्सासका रिपब्लिकन गभर्नर ग्रेग एबटले अनुपस्थित डेमोक्र्याटहरूलाई ‘घूसको आरोप’ मा कारबाही गर्ने चेतावनीपछि आएको हो ।
मतदानपछि गभर्नर एबटले राज्य प्रहरीहरूलाई ‘जुनसुकै सांसदले टेक्सास जनताको कर्तव्य छाडेर गएका छन्, उनीहरूलाई फेला पारेर पक्रन र संसद कक्षमा फर्काउनुपर्छ’ भनेर आदेश दिएका छन ।
गत हप्ता रिपब्लिकनहरूले सार्वजनिक गरेको नयाँ निर्वाचन नक्साले वाशिङ्टन डिसीस्थित अमेरिकी प्रतिनिधिसभामा पाँचवटा नयाँ रिपब्लिकन झुकाव भएका सिटहरू थप्ने लक्ष्य राखेको छ ।
ती निर्वाचन क्षेत्रहरुमा ट्रम्पको पार्टीले सानो बहुमतमात्रै पाएको छ । १५० सदस्यीय टेक्सास राज्यसभामा मतदान गर्न दुई तिहाइ उपस्थिति अनिवार्य हुन्छ । तर ५० भन्दा बढी डेमोक्र्याट सांसदहरू राज्य छाडेपछि कोरम पुरा हुन सकेन।
टेक्सास हाउस स्पीकर डस्टिन बरोसले उनले डेमोक्र्याट सांसदहरूका लागि ‘सिभिल अरेस्ट वारन्ट’ मा हस्ताक्षर गरिसकेका बताएका छन् ।
अधिकांश डेमोक्र्याट सांसदहरू इलिनोइस राज्य पुगेका छन् । डेमोक्र्याटहरूले विशेष अधिवेशनको अन्त्य हुने २ हप्ता टेक्सास नफर्कने योजना बनाएका छन्। पक्राउ वारेन्टहरू राज्यका सीमाभित्र मात्र लागु हुन्छन्।
टेक्सासका डेमोक्र्याट सांसद रोन रेनोल्ड्सले गिरफ्तारीको धम्की डर देखाउने प्रयास मात्र भएको बताएका छन ।
गभर्नर एबटले मतदानमा सहभागी हुन नचाहने सांसदहरूलाई गम्भीर आपराधिक अभियोग मा दोषी ठहर गरिन सक्ने बताएका छन ।