तीव्र हावाहुरीका कारण डेल्टा एयरलाइन्सको विमानको आकस्मिक अवतरण
प्रकाशित मिति : श्रावण १५, २०८२ बिहीबार
अमेरिकामा डेल्टा एयरलाइन्स को फ्लाइट ५६ तीव्र हावाहुरीका कारण आकस्मिक अवतरण गर्न बाध्य भएको छ।
साल्ट लेक सिटी बाट आम्स्टर्डाम जाँदै गरेको यो विमान उडेको करिब दुई घण्टापछि मिनियापोलिस-सेन्ट पाउल अन्तर्राष्ट्रिय विमानस्थलमा अवतरण गरिएको थियो।
विमानमा २७५ यात्रु र १३ जना चालक दलका सदस्य थिए। आकस्मिक अवतरणपछि २५ जना यात्रुलाई घाइते अवस्थामा अस्पताल पुर्याइएको छ। डेल्टा एयरलाइन्सले एक विज्ञप्ति जारी गर्दै घाइतेहरूको तत्काल आवश्यकताअनुसार सहायता गरिरहेको जनाएको छ।
अमेरिकामा सन् २००९ यता तीव्र हावाहुरीका कारण २०७ जना यात्रुले गम्भीर चोटपटक व्यहोरेका छन् । उनीहरूलाई ४८ घण्टाभन्दा बढी समय अस्पतालमा राख्नुपरेको थियो।
प्रत्येक वर्ष विश्वभरका ३५ मिलियनभन्दा बढी अन्तर्राष्ट्रिय उडानहरूमा करिब ५ हजार गम्भीर हावाहुरीका घटना हुने गरेको अनुमान गरिएको छ।
जानकारहरूका अनुसार, जब विमान अशान्त वायुमण्डल हुँदै जान्छ, त्यसले विमानको बडीमा बढी बल उत्पन्न हुने गर्दछ ।
यदि सिट बेल्ट नलगाएको अवस्थामा हो भने, त्यो बलले यात्रुलाई सिटबाट उचालेर चोट पुर्याउन सक्छ। यसकारण, यात्रुहरूको सुरक्षाका लागि सिट बेल्ट बाँधिरहनु अत्यन्त आवश्यक हुन्छ।