अन्तर्राष्ट्रिय मानवीय कानूनको पालना गर्न अमेरिकाको आग्रह
प्रकाशित मिति : चैत्र १८, २०८१ सोमबार
अमेरिकाले गाजा क्षेत्रमा अन्तर्राष्ट्रिय मानवीय कानूनको पालना गर्न सबै पक्षसँग आग्रह गरेको छ ।
अन्तर्राष्ट्रिय मानवतामूलक कानूनको पालना गर्नु युद्धग्रस्त क्षेत्रमा सबैको दायित्व भएको अमेरिकाले स्मरण गराएको छ ।
तर अमेरिकाले गाजा क्षेत्रमा इजरायलको आक्रमणमा परि मृत्यु भएका स्वास्थ्यकर्मी , उद्धारकर्ता र राष्ट्रसंघका एक जना अधिकारी सहित १५ जनाको बारेमा अमेरिकाले केहि बनाएको छैन ।
अमेरिकी विदेश मन्त्रालयकी प्रवक्ता टामी ब्रुसले गाजामा भएको प्रत्येक घटना हमासको कारण भएको बताइन ।
संयुक्त राष्ट्र संघको मानवतामूलक एजेन्सीले २३ मार्चमा पाँच वटा एम्बुलेन्स, एउटा दमकल र संयुक्त राष्ट्र संघको गाडीलाई लक्षित गरेर हमला भएको बताएको छ । उक्त घटनामा १५ जना मारिएका थिए ।
इजरायली सैनिकले सन्दिग्ध रूपमा अगाडि बढिरहेका गाडीहरूमा गोली चलाएका बताएका थिए ।
अन्तर्राष्ट्रिय मानवतामूलक कानूनले नागरिकहरूलाई लक्षित गर्न प्रतिबन्ध लगाएको छ । कानूनले चिकित्सक तथा कर्मचारीहरूको लागि विशेष सुरक्षा को प्रतिबद्धता गरेको छ ।
इजरायलको सबैभन्दा ठूलो हतियार आपूर्तिकर्ता रहेको अमेरिका आफैंका कानूनी प्रावधानहरू द्वारा बाँधिएको छ ।
संयुक्त राष्ट्र संघको गाजामा मानवतामूलक एजेन्सीका प्रमुख जोनाथन व्हिटलले स्वास्थ्य सेवाकर्मीहरूलाई लक्षित गर्नु आतंवादी कृयाकलाप हुने बताएका छन ।
इजरायलले १८ मार्चमा गाजामा हवाई र भूमिगत अभियान पुन सुचारु गरेको थियो । त्यसपछिका केही हप्ता भित्र गाजामा १ हजार भन्दा बढी मानिसहरूको मृत्यु भएको गाजाको स्वास्थ्य मन्त्रालयले बताएको छ ।
गाजामा चलिरहेको युद्धका क्रममा अहिलेसम्म ५० हजार भन्दा बढीको मृत्यु भइसकेको छ ।