राष्ट्रसंघमा अमेरिकी संलग्नताको समीक्षा गर्ने कार्यकारी आदेशमा राष्ट्रपति ट्रम्पको हस्ताक्षर
प्रकाशित मिति : माघ २३, २०८१ बुधबार
President Donald Trump signs executive orders in the Oval Office at the White House, Thursday, Jan. 30, 2025, in Washington. (AP Photo/Evan Vucci)
अमेरिकी राष्ट्रपति ट्रम्पले संयुक्त राष्ट्रसंघमा अमेरिकी कोष र संलग्नताको सामान्य समीक्षा गर्ने कार्यकारी आदेशमा हस्ताक्षर गरेका छन ।
संयुक्त राष्ट्र संघको मुख्यदाता रहेको अमेरिकाको नेतृत्व भूमिकामा यो कार्यकारी आदेशले अनिश्चितता ल्याएको छ ।
संयुक्त राष्ट्रसंघसँग ठूलो सम्भावना छ, तर काम गर्न सकिरहेको छैन राष्ट्रपति ट्रम्पले भनेका छन ।
संयुक्त राष्ट्रसंघको सुरक्षा परिषदले युद्ध र द्वन्द्वको मध्यस्थता गर्नु पर्छ भनेको छ । तर राष्ट्रसंघले युक्रेन र गाजा जस्ता युद्धहरूमा कुनै कदम नचाल्नु बिडम्वनापूर्ण छ ट्रम्पले भनेका छन । उनले संसारभरका युद्धहरुलाई सम्हाल्न नसकेको भन्दै राष्ट्रसंघको आलोचना समेत गरेका छन ।
ट्रम्पले यदि संयुक्त राष्ट्रसंघले आफ्नो नीति परिवर्तन नगरेको खण्डमा धेरै देशहरू यसलाई छोड्ने अनुमान गरेका छन ।
राष्ट्रपति ट्रम्पले संयुक्त राष्ट्रसंघको मानव अधिकार परिषदबाट अमेरिका बाहिरिसकेको र प्यालेस्टिनीहरूको मद्दत गर्ने संयुक्त राष्ट्रको एजेंसी UNRWA को फन्डिंग रोक्नका लागि पनि आदेश दिएका छन ।
ट्रम्पको आदेशले UNESCO मा अमेरिकी संलग्नताको समीक्षा गर्ने गर्ने देखिएको छ । संयुक्त राष्ट्रसंघका प्रवक्ताले अमेरिका र संयुक्त राष्ट्रसंघको सहकार्यले वैश्विक सुरक्षा बढाएको बताएका छन ।
महासचिव एंटोनियो गुटेरेसले अमेरिकी सरकार र राष्ट्रपति ट्रम्पसँगको आफ्नो सशक्त समबन्धलाई अझ मजबुत बनाउने आशा व्यक्त गरेका छन्।
गुटेरेसले ट्रम्पसँग सार्वजनिक झगडा नगरी संयमित तरिकाले अमेरिकी सरकारसँगको जटिल सम्बन्धलाई सम्हाल्दै आएका छन् ।