सिकागोबाट आप्रवासी बिरुद्ध अभियान सुरुगर्ने ट्रम्पको तयारी
प्रकाशित मिति : माघ ५, २०८१ शनिबार
President-elect Donald Trump speaks during a meeting with the House GOP conference, Wednesday, Nov. 13, 2024, in Washington. (AP Photo/Alex Brandon)
अमेकिारमा राष्ट्रपति डोनाल्ड ट्रम्पको पदबहालीपछि अमेरिकाको इतिहासमा सबैभन्दा ठूलो निर्वासन अभियानको सुरुवात गर्ने तयारी भइरहेका छन ।
द न्यूयोर्क टाइम्सले दिएको जानकारी अनुसार अपरेशन सेफगार्डू नामक यो योजना राष्ट्रपति ट्रम्पको सपथ ग्रहणको भोलिपल्ट अर्थात मंगलबारबाट सुरु भएर अर्को सोमबारसम्म चल्नेछ ।
यस योजनाअन्तर्गत अमेरिकी आप्रवासन तथा भन्सार प्रवर्तन (ICE) ले आप्रवासीहरूमाथि छापा मार्ने तयारी गरेको छ । सिकागोमा १५० एजेन्ट पठाउने योजना बनाइएको छ । यसमा सयौँ एजेन्टलाई स्वेच्छिक रूपमा सहभागिताका लागि आग्रह गरिएको छ ।
योजना अन्तर्गत आप्रवासीहरूमाथि कडा कारबाही गर्दै आप्रवासन नियमहरूको कार्यान्वयनमा कडाइ गर्ने ट्रम्प प्रशासनको उद्देश्य छ ।
सिकागो प्रहरीका प्रवक्ताले अन्य सरकारी एजेन्सीको कर्तव्यमा हस्तक्षेप नगर्ने बताएका छन । सिकागोले आप्रवासन स्थितिको विवरण राख्दैन र संघीय आप्रवासन अधिकारीहरूसँग जानकारी साझेदारी गर्दैन भन्ने पनि स्पष्ट गरेको छ ।
ट्रम्प प्रशासनले आप्रवासन कानून कडा बनाउने र सङ्केत दिने उद्देश्यले यो योजना अघि बढाएको हो । ट्रम्पले सङ्कट र आश्चर्य सिर्जना गर्न शुरुवाती दिनमै कडा कदम चाल्ने संकेत दिएका छन् ।
योजनाले डेमोक्रेटिक नेतृत्व भएका शहरहरूलाई सन्देश दिने प्रयास गरेको छ, जसले तथाकथित सङ्कट शहरहरू लाई लक्षित गर्दछ । मास डिपोर्टेशनका लागि ठूलो आर्थिक र प्रशासनिक चुनौती हुने अनुमान छ ।
हाललाई, ट्रम्प प्रशासनले आपराधिक रेकर्ड भएका आप्रवासीहरूलाई प्राथमिकता दिने बताएको छ । तर, यस प्रकारका कारबाहीले थोरै परिणाम दिने संभावना छ ।
२०१९ मा ट्रम्पले २ हजार आप्रवासीहरूलाई लक्षित गर्दै छापाको घोषणा गरेका थिए । तर केवल ३५ जनालाई गिरफ्तार गरिएको थियो ।
२०१९ मा (ICE) ले २ लाख ६७ हजार भन्दा बढी व्यक्तिहरूलाई निर्वासन गरेको थियो । जुन ट्रम्प प्रशासनको उच्चतम संख्या थियो ।
तर यो संख्या बाराक ओबामा प्रशासनको एक वर्षको ४ लाखभन्दा बढी निर्वासनको तुलनामा निकै कम हो । ट्रम्प प्रशासनले यो योजना कसरी अघि बढाउँछ र यसको प्रभाव कस्तो रहन्छ भन्ने हेर्न बाँकी छ।
यो योजना अपरेशन सेफगार्डको सफलता वा असफलतामा निर्भर गर्नेछ।