अमेरिकाको लस एन्जलस डढेलो, मृत्यु हुनेको संख्या ११ पुग्यो
प्रकाशित मिति : पुस २६, २०८१ शुक्रबार
The Palisades Fire burns a residence in the Pacific Palisades neighborhood of Los Angeles, Tuesday, Jan. 7, 2025. (AP Photo/Ethan Swope)
अमेरिकाको लस एन्जलसमा डढेलोपछि भएको आगलागीमा परेर ११ जनाको मृत्यु भएको छ । काउन्टी मेडिकल परीक्षकले अब ११ जनाको मृत्यु भएको पुष्टि गरेका छन ।
दशौं हजार विस्थापित भएका छन । करिव ४ हजार घर जलेका विभिन्न रिर्पोटहरुले बताएका छन ।
मेडिकल परीक्षकले ५ जनाको मृत्यु पालिसेड्स आगलागीमा भएको र अन्य ६ जना ईटनमा भएको आगलागीका कारण भएको बताए ।
अल्टाडेना, मालीबु, प्यासिफिक पालिसेड्स, र टोपाङ्गामा मृत्युका घटना भएका हुन्।
क्यालिफोर्नियाका अग्निनियन्त्रकहरूले जंगलमा लागेको आगो नियन्त्रण गर्ने क्रममा पानीको अभाव भोग्नु परेको बताएका छन ।
यो खबर बाहिर आएपछि त्यहाँका गभर्नरले घटनाको स्वतन्त्र अनुसन्धानको माग गरेका छन् ।
गभर्नर ग्याभिन न्युसमले एक्स मा लस एन्जलस डिपार्टमेन्ट अफ वाटर एन्ड पावर र एलए काउन्टी पब्लिक वर्क्सका प्रमुखलाई लेखेको पत्र सेयर गरेका छन् ।
आगलागी नियन्त्रण हाइड्रन्टहरूबाट आपूर्ति गुमाउँदा केही घरहरू र खाली गर्ने मार्गहरू जोगाउने प्रयासमा बाधा पुगेको उनले लेखेका छन्।
उनले स्थानीय हाइड्रन्टहरूमा पानीको चाप घट्नु र सान्ता यनेज जलाशयबाट पानी उपलब्ध नहुनुका कारणहरू अनुसन्धान गर्नुपर्ने बताएका छन् ।
गभर्नरले यस्ता घटना दोहोरिन नदिन र विनाशकारी आगलागीसँग लड्न सबै स्रोतहरू उपलब्ध गराउन र त्यसको सुनिश्चित गर्न आवश्यक देखिएको बताएका छन ।