पाकिस्तानको आक्रमणपछि अफगानिस्तानले भन्यो : क्रूर कदमको जवाफ दिइने छ
प्रकाशित मिति : पुस ११, २०८१ बिहीबार
पाकिस्तानले अफगानिस्तानमा गरेको हवाई हमलामा ४६ जनाको मृत्यु भएको छ । मृतक अधिकांश महिला र बालबालिका रहेका छन ।
बर्मल जिल्ला दक्षिणी वजिरिस्तानको वाना र रजमक क्षेत्रहरूसँग सीमाना जोडिएको छ । आक्रमणमा वजिरिस्तानबाट आएका शरणार्थीहरूलाई लक्षित गरिएको थियो ।
तालिबानका प्रवक्ता जबिउल्लाह मुजाहिदले पक्तिका प्रान्तका चार स्थानलाई लक्षित गरी बमबारी गरिएको बताएका छन । हमलामा ६ जना घाइते भएका र धेरै घरहरू ध्वस्त भएका बताइएको छ ।
तालिबान सरकारको रक्षा मन्त्रालयले आक्रमणको निन्दा गर्दै यसलाई क्रूर र अमानवीय भनेको छ । यो आक्रमण अन्तर्राष्ट्रिय मान्यताहरूको उल्लङ्घन भएको बताएको छ ।
तालिबानले पाकिस्तानबाट भएको यो क्रूर कदमको जवाफ दिइने बताएको छ । आफ्नो भूमि र क्षेत्रको रक्षा गर्नु हाम्रो अधिकार हो तालिबानले भनेको छ ।
पाकिस्तान सरकारले आधिकारिक रूपमा यो आक्रमणबारे कुनै टिप्पणी गरेको छैन । तर स्थानीय मिडियाहरुले पाकिस्तानी सेनाले बर्मल जिल्लामा आतंककारीहरूलाई लक्षित गरेर आक्रमण गरेको बताएका छन ।
अधिकारीहरूले तालिबानसँग सम्बन्धित केही मुख्य कमाण्डरहरूको हत्या गरेको पनि दाबी गरेका छन् ।
अफगानिस्तानका पूर्व राष्ट्रपति हामिद करजईले सामाजिक सञ्जालमा पाकिस्तानी सेनाको आक्रमणको निन्दा गर्दै यसलाई अफगानिस्तानको राष्ट्रिय सम्प्रभुतामाथि प्रहार भनेका छन् ।
अमेरिका र पाकिस्तानका लागि तालिबानका पूर्व विशेष प्रतिनिधिहरूले आक्रमणप्रति आफ्नो आपत्ति जनाएका छन् । अफगान नागरिकहरूले पनि सामाजिक सञ्जालमा आक्रोश व्यक्त गर्दै आक्रमणको विरोध गरिरहेका छन ।