अमेरिकी मिसाइल प्रहार गर्दै युक्रेनले रुसको एयर डिफेन्स सिस्टम ध्वस्त बनायो
प्रकाशित मिति : मंसिर १२, २०८१ बुधबार
यूक्रेनले रुसको एयर डिफेन्स सिस्टमलाई ध्वस्त बनाइ दिएको छ । मिसाइल हमलामा आफ्नो क्षति पुगेको रुसले समेत स्वीकार गरेको छ । यो रुसबाट भएको पहिलो स्वीकार हो ।
अमेरिकाको मिसाइललाई युक्रेनले रुस बिरुद्ध प्रयोग गरेको थियो । यसले कुर्स्क क्षेत्रमा रहेको एक सैन्य केन्द्रलाई पनि क्षति पुराएको छ ।
रुसको यो शक्तिशाली एस-400 एयर डिफेन्स सिस्टम हो । जसलाई अमेरिकाको पैट्रियट डिफेन्स सिस्टम जस्तै मानिन्छ । युक्रेनले निशाना त्यही रहेको थियो ।
केहिदिनअघि अमेरिकाले युक्रेनलाई रुसविरुद्ध लामो दूरीका मिसाइल प्रयोग गर्न अनुमति दिएको थियो ।
युक्रेनले कुर्स्क क्षेत्रमा केही लक्ष्यहरुलाई निशाना बनाएको दाबी गरेको थियो । रुसको रक्षा मन्त्रालयले विज्ञप्ति जारी गर्दै प्रतिकार गर्ने चेतावनी दिएको छ ।
युक्रेनको एयर फोर्सले रुसले १८८ ड्रोनमार्फत हमला गरेको जनाएको छ । हमलाका कारण केही आधारभूत संरचनामा क्षति पुगेको छ ।
रुसी रक्षा मन्त्रालयले खालिनो एयर बेसमा भएका आक्रमणका मिसाइलका टुक्राहरू देखिने केही तस्बिरहरू सार्वजनिक गरेको छ ।
युक्रेन र रुसबीचको तनाव अझै चुलिएको छ । अमेरिकाले युक्रेनलाई रुसभित्र लामो दूरीसम्म मार हान्नसक्ने मिसाइल प्रयोग गर्न अनुमति दिएको थियो । युद्ध सुरु भएको १हजार दिनपछि जारी युद्धमा पहिलो पटक शक्तिशाली हतियार प्रयोग हुन थालेका छन ।