भट्टाचार्यलाई प्रमुख प्रशासनिक पदमा नियुक्त गर्ने ट्रम्पको घोषणा
प्रकाशित मिति : मंसिर १२, २०८१ बुधबार
अमेरिकी राष्ट्रपति डोनाल्ड ट्रम्पले जय भट्टाचार्यलाई प्रमुख प्रशासनिक पदमा नियुक्त गर्ने घोषणा गरे गर्नुभएको छ ।
भट्टाचार्यलाई अमेरिकी प्रमुख सार्वजनिक स्वास्थ्य संस्था नेशनल इन्स्टिच्युट अफ हेल्थ NIH को नयाँ निर्देशकका रूपमा चयन गरिएको छ ।
स्ट्यानफोर्ड विश्वविद्यालयबाट अध्ययन पुरा गरेका चिकित्सक र अर्थशास्त्री भट्टाचार्यले कोभिड १९ महामारीको समयमा लगाइएको व्यापक लकडाउनको खुलेर विरोध गर्नुभएको थियो ।
ट्रम्पले उहाँलाई NIH को जिम्मेवारीका लागि उपयुक्त व्यक्ति भएको बताउनु भएको छ । यो विश्वकै सबैभन्दा ठूलो सरकारी कोषद्वारा सञ्चालित बायोमेडिकल अनुसन्धान संस्था हो ।
जय भट्टाचार्य लकडाउनको विरोध गरेपछि कोभिड १९ महामारीको समयमा निकै चर्चामा आउनु भएको थियो । डोनाल्ड ट्रम्पले आउँदो वर्षको जनवरी २० मा अमेरिकी राष्ट्रपति पदको कार्यभार सम्हाल्दै हुनुहुन्छ ।
ट्रम्पले अमेरिकी स्वास्थ्य मन्त्रीको जिम्मेवारी आफ्नो पूर्व प्रतिद्वन्द्वी रोबर्ट एफ केनेडी जूनियरलाई दिने घोषणा गर्नुभएको थियो । केनेडी कोभिड खोपका कट्टर आलोचक हुनुहुन्छ । केनेडीको नियुक्तीपछि बिरोध भइरहेको छ ।