इजरायल र लेबनानबिच युद्धविरामको तयारी , मंगलबार मतदानको संभावना
प्रकाशित मिति : मंसिर १०, २०८१ सोमबार
इजरायली क्याबिनेटले लेबननमा युद्धविराम सम्झौतामा मतदान गर्ने भएको छ । प्रधानमन्त्री बेन्जामिन नेतन्याहूका प्रवक्ताले यो जानकारी दिएका हुन ।
स्रोतका अनुसार, इजरायली प्रधानमन्त्रीले उक्त योजना ूसिद्धान्ततः स्वीकृत गर्नुभएको छ । मतदान मंगलबार हुनसक्ने अपेक्षा गरिएको छ ।
नेतन्याहूले आइतबार राति इजरायली अधिकारीहरूसँग सुरक्षा परामर्शका क्रममा हिज्बोल्लाहसँगको सम्भावित युद्धविरामलाई स्वीकृत गर्ने संकेत गर्नु भएको थियो । प्रवक्ताले बताए अनुसार प्रस्तावित सम्झौता पारित हुने छ।
इजरायलले सम्झौताको केही बुँदाहरुमा अझै पनि आपत्ति जनाएको छ । जुन बुँदाहरु लेबनान सरकारलाई पठाइने अपेक्षा गरिएको थियो ।
वार्ताका सम्बन्धमा जानकारी राख्ने स्रोतहरूले भनेका छन् कि वार्ता सकारात्मक दिशामा अघि बढिरहेको छ । तर इजरायल र हिज्बोल्लाहबीच गोली हानाहान जारी रहँदा एउटा गल्तीले वार्ता असफल बनाउन सक्छ।
इजरायलका कट्टरपन्थी राष्ट्रिय सुरक्षा मन्त्री इटामार बेन गभिरले यो सम्झौतालाई ठूलो गल्ती भन्नुभएको छ । । यो हिज्बोल्लाहलाई समाप्त गर्ने ऐतिहासिक अवसर गुमाउनुू हुने बताएका छन्।
बेन गभिर लामो समयदेखि गाजामा इजरायल र हमासबीचको सम्भावित युद्धविराम सम्झौतालाई रोक्न प्रयास गर्दै आउनु भएको थियो ।