अमेरिकी राष्ट्रपति बाइडेन र इजरायली प्रधानमन्त्री नेतान्याहूबीच वार्ता हुदै
प्रकाशित मिति : आश्विन २३, २०८१ बुधबार
President Joe Biden speaks to active-duty military service members and their families during a Fourth of July celebration and barbecue on the South Lawn of the White House in Washington, Thursday, July 4, 2024. (AP Photo/Susan Walsh)
अमेरिकी राष्ट्रपति जो बाइडेन र इजरायली प्रधानमन्त्री बेन्जामिन नेतान्याहूबीच वार्ता हुने तयारी भइरहेको छ ।
हिजबुल्लाहले आफ्ना लडाकूहरू दक्षिणी लेबनानमा इजरायली सेनासँग झडपमा उत्रिएको बताएको छ ।
अधिकारीहरूका अनुसार उत्तरी इजरायलको किर्यात शमोनामा संदिग्ध हिजबुल्लाह रकेट आक्रमणमा दुई जनाको मृत्यु भएको छ । इजरायली हवाई सुरक्षाले तटीय सहर कैसरियातर्फ प्रक्षेपण गरिएको दुई क्षेप्यास्त्रलाई रोकेको छ ।
लडाइँ जारी रहँदा नेतान्याहूले लेबनानले ‘गाजामा देखिएजस्तै लामो युद्ध’ को सामना गर्न नसक्ने चेतावनी दिइरहनुभएको छ ।
यस्तो अवस्थामा इरान प्रत्यक्ष रूपमा संलग्न हुने र द्वन्द्व क्षेत्रीय युद्धमा परिणत हुनबाट बाइडेनले त्यो अबस्थालाई रोक्न खोज्ने अपेक्षा गरिएको छ ।
गत साता इरानले गरेको क्षेप्यास्त्र आक्रमणको जवाफमा इजरायलको प्रतिक्रिया एजेन्डामा उच्च प्राथमिकतामा रहने अपेक्षा गरिएको छ ।
बाइडेनले इरानको आणविक कार्यक्रममाथि आक्रमण गर्ने प्रयास नगर्न इजरायललाई सावधान गराउनुभएको छ ।
साथै उहाँले विश्व कच्चा तेलको मूल्य बढाउन सक्ने इरानका तेल प्रतिष्ठानहरूमा हुनसक्ने आक्रमणको पनि विरोध गर्नुभएको छ ।
अनुभवी अमेरिकी पत्रकार बब वुडवर्डको नयाँ पुस्तकले बाइडेन र नेतान्याहूबीच बढ्दो तनावको विवरण दिएको छ ।