हुथी समूहविरुद्ध अमेरिकाको आक्रमण , हतियार प्रणाली निशानामा
प्रकाशित मिति : आश्विन १८, २०८१ शुक्रबार
Smoke rises above buildings during an Israeli strike on Rafah in the southern Gaza Strip on December 1, 2023, after battles resumed between Israel and the Hamas movement. A temporary truce between Israel and Hamas expired on December 1, with the Israeli army saying combat operations had resumed, accusing Hamas of violating the operational pause. (Photo by SAID KHATIB / AFP)
अमेरिकी सेनाले यमनमा इरान समर्थित हुथी समूहविरुद्ध आक्रमण गरेको छ । हुथी बिरुद्ध १५ वटा लक्ष्यहरूमा प्रहार गरिएको अमेरिकी सेनाले बताएको छ ।
हवाईजहाज र युद्धपोतहरूको प्रयोग गरेर आक्रमण सुरू गरिएको पेन्टागनले बताएको छ । यमनका मुख्य सहरहरू तथा राजधानीमा सानासहित, धेरै विस्फोटहरू भएका बताइएको छ ।
हुथीहरूले रेड सीमा नोभेम्बरदेखी अहिले सम्म करिब १०० वटा जहाजहरूमा आक्रमण गरेका छन् । जसमा दुई वटा हुथीहरुले डुंगा डुबाइएका छन् ।
विद्रोही समूहले गाजामा इजरायलको सैन्य अभियानको प्रतिक्रिया स्वरूप यी आक्रमणहरू भएको दाबी गरेको छ । अमेरिकी आक्रमणहरूले हुथीहरूको हतियार प्रणाली, आधारहरू र अन्य उपकरणहरूलाई लक्षित गरेको थियो ।
हुथी सम्बद्ध सञ्चार माध्यमहरूले यमनी राजधानी साना लगायतका शहरहरूमा आक्रमण भएको जनाएका छन् । हुथीहरूले यमनमा एउटा अमेरिकी निर्मित रीपर ड्रोन खसालेको सोमबार दाबी गरेका थिए ।
रेड सीका जहाजहरूमा आक्रमणहरूका साथै, हुथीहरूले इजरायलमा पनि सिधै केही मिसाइल र ड्रोनहरू प्रहार गरेका छन् । जुलाईमा यमनबाट प्रक्षेपण गरिएको ड्रोनले तेल अभिभमा आक्रमण गरेको थियो । आक्रमणबाट एक व्यक्तिको मृत्यु र १० जना घाइते भएका थिए ।
अमेरिका, बेलायत र १२ अन्य राष्ट्रहरूले हुथीहरूबाट रेड सीका जहाजरानी मार्गहरूको रक्षा गर्न अपरेशन प्रोस्पेरिटी गार्डियन सुरु गरेका थिए ।
हुथीहरू इरानको समर्थनमा रहेको मध्य पूर्वका सशस्त्र समूहहरूको एक हिस्सा हुन् । जसमा लेबनानको हिजबुल्लाह र गाजाको हमास पनि समावेश छन् ।