पेरिस ओलम्पिक : पुरुष फुटवलको स्वर्ण स्पेनले जित्यो , घरेलु मैदानमा फ्रान्स स्तव्ध
प्रकाशित मिति : श्रावण २५, २०८१ शुक्रबार
पेरिस ओलम्पिक अन्र्तगत फुटवल तर्फको स्वर्ण पदक स्पेनले जितेको छ । आयोजक फ्रान्सलाई अतिरिक्त समयमा ५-३ ले पराजित गर्दै स्पेनले पेरिस ओलम्पिक अन्तर्गत पुरुष फुटबलमा स्वर्ण पदक जितेको हो ।
शुक्रबार राति पेरिसस्थित पार्क डे प्रिन्समा भएको फाइनलमा स्पेनले रोमाञ्चक जित निकाल्दा सर्जियो कामेलोले अतिरिक्त समयमा दुई गोल गरेका थिए । स्पेनले ओलम्पिकमा पुरुष फुटबलमा जितेको यो दोस्रो स्वर्ण हो ।
यसअघि सन् १९९२ मा स्पेनले स्वर्ण जितेको थियो । १९८४ मा पहिलो पटक फुटबलमा स्वर्ण जितेको फ्रान्सको घरेलु मैदानमै स्वर्ण जित्ने चाहना भने पूरा हुन सकेन ।
युरो कप को उपाधि जितेको स्पेनले गत बर्ष महिला विश्वकप फुटवलको उपाधि जितेको थियो । यो संगै अन्र्तराष्ट्रिय फुटबलमा दबदवा कायम राखेको छ ।