न्युयोर्कको म्यानहटनमा झण्डै ३ सय यात्रु बोकेको ट्रेन अर्को ट्रेनसँग ठोक्कियो, २४ जना घाइते
प्रकाशित मिति : पुस १९, २०८० बिहीबार
बिहीबार दिउँसो न्युयोर्क सिटीमा ट्रेनहरू ठोक्किएर लिकबाट खस्दा २४ जना घाइते भएका छन् । म्यानहटनको वेस्ट ९६ स्ट्रीट र ब्रोडवे नजिकै करिब ३ सय जना बोकेको १ नम्बरको सबवे ट्रेन अर्को कामको ट्रेनसँग ठोक्किएको थियो, जसका कारण कामको ट्रेन लिकबाट खसेको थियो ।
Watch live as city officials brief the media on an incident in the transit system. https://t.co/dljfngggDR
— NYPD NEWS (@NYPDnews) January 4, 2024
दिउँसो ३ बजेतिर भएको दुर्घटनामा घाइते २४ जना मध्ये कम्तीमा आठ यात्रुहरूलाई अस्पताल लगिएको थियो । कुनै पनि चोट गम्भीर मानिएको छैन। चार ट्रान्जिट कामदारहरू बोकेको कामको ट्रेनले ट्र्याक बदल्ने क्रममा यात्रुवाहक ट्रेनले ठक्कर दिएको थियो ।
Our team is responding to the train derailment on the 1/2/3 line at 96th street. @FDNY and @NYPDNews emergency personnel are on the ground assisting efforts. Please avoid the 96th and Broadway area if you can. https://t.co/tOpe0rOWKw pic.twitter.com/CWZ3gsWM9v
— Mayor Eric Adams (@NYCMayor) January 4, 2024
अधिकारीहरूले बिहीबार एक पत्रकार सम्मेलनमा दुर्घटना उपकरणको खराबीसँग सम्बन्धित नभएको बताएका छन् । दुर्घटनाग्रस्त यात्रुवाहक ट्रेनमा रहेका करिब ३ सयजनाका साथै स्टेशनमा बिजुली काटिएपछि पछाडिका ट्रेनबाट पनि तीनसयदेखि चारसय यात्रुहरुलाई बाहिर निकालिएको थियो ।
दुर्घटनापछि म्यानहटनका अधिकांश भागमा १, २ र ३ नम्बर ट्रेनको सेवा बन्द गरिएको थियो । शुक्रबार बिहान भीडभाडमा सेवा सुचारु हुने आशा गरेपनि ग्यारेन्टी दिन नसकेको अधिकारीहरुको भनाई छ ।
There is a major disruption to 1/2/3 service while emergency teams assist passengers and conduct an investigation after a train derailed near 96 St.
There is no 1/2/3 service in most of Manhattan.
Go to https://t.co/vhZQ2kZ2vb to see further details and alternatives. pic.twitter.com/pM1FwM2AXW
— NYCT Subway (@NYCTSubway) January 4, 2024