जाडोमा राम्रो स्वास्थ्यका लागि तपाईलाई आवश्यक पर्ने ५ भिटामिन
प्रकाशित मिति : पुस ११, २०८० बुधबार
जाडो मौषमले पनि विभिन्न रोगहरु ल्याउँछ । र स्वस्थ रहनको लागि तपाईंले आफ्नो शरीरको हेरचाह गर्न अत्यन्त महत्त्वपूर्ण छ। प्रतिरक्षा प्रणालीलाई ठीक अवस्थामा राख्न तथा स्वास्थ्य, शरीर र मस्तिष्कको अवस्था राम्रो बनाउन धेरै सप्लीमेन्टहरु उपलब्ध छन् । जाडोको समयमा यी भिटामिनहरू तपाईंले आफ्नो दैनिक दिनचर्यामा थप्न आवश्यक हुनसक्छ ।
भिटामिन सी
भिटामिन सी नियमित रूपमा लिनुपर्ने महत्वपूर्ण भिटामिन हो। यसको सप्लीमेन्टमा कोशिकाहरूलाई जोगाउने र तिनीहरूलाई स्वस्थ राख्न मद्दत गर्ने लगायतका गुणहरु छन् । यो भिटामिनले छाला, रक्त नलीहरु, हड्डीहरू र कार्टिलेज स्वस्थ कायम राख्न र घाउहरू निको पार्न मद्दत गर्छ ।
नेशनल हेल्थ सर्भिसका अनुार १९ देखि ६४ बर्षका मानिसहरूलाई दैनिक ४० मिलिग्राम भिटामिन सीको दैनिक सेवन आवश्यक हुन्छ । तपाईंको दैनिक आहारले तपाईंलाई यसको आवश्यक मात्रा दिनुपर्छ । धेरै भिटामिन सी हानिकारक हुन सक्ने भएकाले नलिन सल्लाह दिइन्छ तर १ हजार मिलीग्राम भन्दा कम भिटामिन सी लिनु हानिकारक हुन सक्दैन । केरा र सुन्तलाको रस भिटामिन सी को राम्रो स्रोत हो।
भिटामिन डी
भिटामिन डी प्रतिरक्षा प्रणालीका लागि महत्त्वपूर्ण हुन्छ । शरीरले भिटामिन डी भएको अवस्थामा मात्र क्याल्सियम अवशोषित गर्न सक्छ । यसले स्वस्थ हड्डी कायम राख्छ । मेयो क्लिनिकका अनुसार भिटामिन डीमा एन्टिइन्फ्लेमेटरी, एन्टिअक्सिडेन्ट र न्यूरोप्रोटेक्टिभ गुणहरू पनि छन् जसले प्रतिरक्षा स्वास्थ्य, मांसपेशी कार्य र मस्तिष्क कोशिका गतिविधिलाई राम्रो बनाउँछ ।
भिटामिन डीले प्रतिरक्षा प्रणालीमा महत्त्वपूर्ण भूमिका खेल्छ । र यसले मधुमेह, दम र रुमेटोइड अर्थराइटिस जस्ता अटोइम्यून रोगहरूको जोखिम कम गर्न सक्छ। भिटामिन डी धेरै खानाहरूबाट प्राकृतिक रुपमा पाइदैन । यद्यपी दूध, अनाज र बोसोयुक्त माछाका साथै घामबाट प्राप्त गर्न सकिन्छ ।
छालाले उत्पादन गरेको भिटामिन डीको मात्रा धेरै कारकहरूमा निर्भर हुन्छ । जाडो महिनाहरूमा भिटामिन डीको उत्पादन कम हुन सक्छ वा पूर्णतया अभाव हुन सक्छ । त्यसैले तपाईंले दैनिक रुपमा भिटमिन डी सेवन गर्न आवश्यक हुनसक्छ ।
१९ वर्ष र माथिका वयस्कहरूले दैनिक ६०० आईयु सम्म भिटामिन डी सेवन गर्न सुझाव दिइएको छ । ७० बर्षभन्दा माथिकाहरुलाई ८ सय आईयु सेवन गर्न सुझाव दिइएको छ । अमेरिकी हार्ट एसोसिएसनको हालैको प्रतिवेदनले ६०० देखि ८०० आईयुसम्म भिटामिन डीको सुझाव कतिपयका लागि कम हुनसक्ने देखाएको छ ।
भिटामिन बी ६
सबै बी भिटामिनहरू महत्त्वपूर्ण भएपनि भिटामिन बी ६ विशेष गरी स्नायु प्रणाली र प्रतिरक्षा प्रणालीको स्वास्थ्यको लागि महत्त्वपूर्ण छ । विशेष गरी चिसो र फ्लूको मौसममा यसको महत्व अझ बढी छ ।
भिटामिन बी ६ को कमी वास्तवमा सामान्य मानिन्छ । तर यसको कमीले डिप्रेशन, कन्फ्युजन र चिडचिडापन जस्ता लक्षणहरू निम्त्याउन सक्छ। यो भिटामिनले शरीरमा खानालाई सेलुलर ऊर्जामा रूपान्तरण गर्न मद्दत गर्दछ । भिटामिन बी ६ को स्रोतहरू केरा, टुना र साल्मन, फलफूल, गाई र सुँगुरको मासु, नट्स, कुखुरा, चना, सम्पूर्ण अन्न र फोर्टिफाइड अनाज समावेश छन्।
५० बर्षभन्दा कम उमेरका व्यक्तिका लागि १ दशमलव ३ मिलिग्राम भिटामिन बी ६ को खान सुझाव दिइएको छ । ५० बर्षपछि महिलाका लागि १ दशमलव मिलिग्राम र पुरुषका लापग १ दशमलव ७ मिलिग्राम खान सुझाव दिइएको छ ।
जिंक
जिंक एक खनिज हो जसले शरीरको प्राकृतिक प्रतिरक्षालाई बढावा दिन मद्दत गर्दछ । विशेष गरी मौसमी छालाको अवस्था र रोगहरू विरुद्ध लड्न यसले मद्दत गर्न । साथै राम्रो निद्रा प्राप्त गर्न पनि मद्दत गर्दछ।
यसले प्रतिरक्षा प्रणाली र मेटाबोलिजम सुधार गर्न मद्दत गर्छ । यसले छालाको स्वास्थ्य, प्रतिरक्षा कार्य र कोशिकाको वृद्धिमा भूमिका खेल्छ । र सम्भावित रूपमा डण्डिफोर र इन्फ्लामेसनबाट जोगाउन सक्छ ।
अनुसन्धानले जिंकलाई धेरै स्वास्थ्य लाभहरूसँग जोडेको छ जसमा प्रतिरक्षा प्रणालीलाई बढावा दिने, छिटो घाउ निको पार्ने र निश्चित उमेर सम्बन्धित रोगहरूको जोखिमलाई सम्भावित रूपमा कम गर्ने लगायत छन् ।
जिंकको कमीका कारण पखाला, कपाल पातलो हुने, स्वाद वा गन्ध लिने क्षमता घट्ने, सुख्खा छाला हुने वा प्रजनन समस्याहरू हुनसक्ने अनुसन्धानले देखाएको छ ।
ओमेगा ३
ओमेगा ३ फ्याटी एसिडले भरिपूर्ण छ । यो चिसो र सुख्खा महिनाहरूमा छालाका लागि विशेष गरी महत्त्वपूर्ण छ। शरीरले चाहिनेजति ओमेगा ३ प्राकृतिक रुपमा उत्पादन गर्न सक्दैन ।
त्यसैले खाना वा सप्लीमेन्टहरु मार्फत प्राप्त गर्न महत्त्वपूर्ण छ। ओमेगा ३ हृदय रोगको जोखिम गर्न, हृदय रोग, एरिथमिया, रगत जम्ने, स्तन क्यान्सर, अल्जाइमर रोग, डिमेन्सिया र उमेरसम्बन्धित म्याकुलर डिजेनेरेशन जस्ता क्यान्सरका केही रूपहरूबाट हुने अचानक मृत्यु कम गर्न प्रभावकारी रहेको छ ।
माछा ओमेगा ३ को सबैभन्दा राम्रो स्रोत हो । अमेरिकन हार्ट एसोसिएसनले हृदय रोगको इतिहास नभएका मानिसहरूलाई हरेक हप्ता कम्तिमा दुईवटा माछा खान सिफारिस गर्दछ ।
यी सामान्य सुझावहरुमात्र हुन् । व्यक्तिगत स्वास्थ्य सम्बन्धि परामर्शका लागि चिकित्सकसँग सम्पर्क गर्नुपर्छ ।