न्युयोर्क सिटीको ट्रेन स्टेशनमा सामूहिक गोलीकाण्डको धम्की दिने टिनएजर पक्राउ
प्रकाशित मिति : मंसिर २२, २०८० शुक्रबार
न्युयोर्क सिटीको ट्रेन स्टेशनमा सामूहिक गोलीकाण्डको धम्की दिने फ्लोरिडाका १९ वर्षीय टिनएजरलाई पक्राउ गरिएको छ । ती व्यक्तिविरुद्ध थ्याङ्क्सगिभिङ सप्ताहन्तमा न्युयोर्क सिटीको ट्रेन स्टेशनमा सामूहिक गोलीकाण्ड मचयाउने धम्की दिएको आरोप लगाइएको छ ।
रोबर्ट ट्राउट तृतीयले कथित रूपमा आफ्नो इन्स्टाग्राम खातामा एक भिडियो पोस्ट गर्दै न्यूयोर्क यात्रा गर्ने र ट्रेन स्टेशनमा विनाश निम्त्याउने धम्की दिएका थिए । भिडियोमा उनले थप क्लिपहरूमा दुई अर्ध स्वचालित बन्दुकहरू सहित धेरै बन्दुकहरू ब्रान्ड गरेको जनाइएको छ ।
न्यूयोर्क सिटीमा हुनेलाई बिहीबार साँझ ट्रेनमा नचढ्न ट्राउटले भिडियोमा धम्की दिएका थिए । उनले एउटा भिडियोमा ६० वटा गोली बोक्दै ६० गोलीबाट ६० जनाको मृत्यु हुने बताएका थिए । त्यसपछि ट्राउटलाई पक्राउ गरिएको थियो भने अहिलेसम्म हिरासतमा राखिएको छ।
ट्राउट शुक्रबार फ्लोरिडाको टम्पाको संघीय अदालतमा प्रारम्भिक हाजिर भएका थिए । उनलाई थप कारबाहीका लागि हिरासतमा राख्न आदेश दिइएको थियो। दोषी प्रमाणित भएमा ट्राउटलाई अधिकतम पाँच वर्षको जेल सजाय हुनेछ।