१७ वर्षीय फेसन डिजाइनरले प्रेमिकासँग ब्रेकअपपछि न्युयोर्कको होटलबाट हाम फाले
प्रकाशित मिति : भाद्र ७, २०८० बिहीबार
१७ वर्षीय महत्वाकांक्षी फेसन डिजाइनरको रूपमा पहिचान गरिएका टिनएजरले आफ्नी प्रेमिकासँग ब्रेकअप पछि न्युयोर्क सिटीको मन्डारिन ओरिएन्टल होटेलको माथिबाट हाम फालेको प्रहरी श्रोतले पुष्टी गरेको छ । न्यु जर्सीका टिनएजर नूह लेगास्पीले आफ्नो पूर्व प्रेमिकाको घरबाट कोलम्बस सर्कलमा रहेको होटलसम्म पुग्न ट्याक्सी लिएका थिए । त्यसपछि केटीसँग फेसटाइममा कुरा गरेपछि उनले होटलबाट हाम फालेको जनाइएको छ ।
उनी होटलबाट ७५० फिट तल खसेको र घटनास्थलमा नै मृत घोषित गरिएको थियो । ब्रेकअपपछि उनले आफ्नो भावना सम्हाल्न नसकेका कारण होटलबाट हाम फालेको परिवारका सदस्यहरुले बताएका छन् । ब्रेकअप पछि उनले आफ्नो विचार र भावनालाई नियन्त्रण गर्न नसकेपछि आफैले ज्यान लिएको परिवारका सदस्यहरुको भनाई छ ।
होटेलको माथिबाट फेसटाइम कल गर्दै उनले केटीलाई माया गर्ने बताएका थिए । लगत्तै केटीले केटाको आमालाई फोन गरेर यसबारे जानकारी दिएकी थिइन् । केटीले लेगास्पी अग्लो भवनमा रहेको तर उक्त स्थान कुन हो भन्ने थाहा नभएको बताएकी थिइन् । लेगास्पीले ती केटीलाई केही महिनादेखि भेट्दै आएको जनाइएको छ ।
त्यसपछि लेगास्पीको परिवारले न्युजर्सीमा रहेको घर आसपासमा उनको खोजी गरेको थियो । उनी नभेटिएपछि प्रहरीलाई खबर गरिएको थियो । उनको खोजीको लागि फेसबुक पेज समेत बनाइएको थियो । तर न्युयोर्क प्रहरीका अधिकारीहले कोलम्बस सर्कलमा हामफालेका व्यक्ति लेगास्पी रहेको पुष्टी गरेपछि उक्त पेज पनि श्रद्धाञ्जली पेजमा परिणत गरिएको छ ।
लेगास्पीले हाम फालेपछि५५ तले ड्युश बैंक सेन्टरको हिस्सा रहेको पाँच तारे होटल बाहिरको दृश्य डरलाग्दो थियो। सिसामा ठोकिएपछि उनको शरीर टुक्रा टुक्रा भएको थियो । सडकमा केहीपर एउटा हात भेटिएको थियो । उनी सर्भिस एलिभेटर प्रयोग गरेर छतमा गएको विश्वास गरिएको छ ।
पारिवारिक श्रोतका अनुशार फेसन डिजाइनर, भलिबल खेलाडी र गितार बाधक रहेका नूह लेगास्पीले मानसिक स्वास्थ्य समस्याहरूसँग संघर्ष गरेका थिए । उनी न्युयोर्क सिटीमा फेसन डिजाइन पढ्न चाहन्थे । अरू मानिसहरूलाई उज्यालो दिएपनि उनी आफैसँग भने लडिरहेका थिए ।