ट्वीटरको लोगो परिवर्तन, अब चराको साटो एक्स
प्रकाशित मिति : श्रावण ८, २०८० सोमबार
ट्वीटरले चरा भएको लोगो परिवर्तन गरेर एक्स बनाएको छ । आइतबार रातीदेखि ट्वीटरको लोगो परिवर्तन गरिएको हो । ट्विटरका मालिक एलन मस्कले यो परिवर्तन सुरुमा सोमबारदेखि हुने बताएपनि आइतबारदेखि नै लोगो परिवर्तन गरिएको हो । आफूलाई एक्स अक्षर निकै मनपर्ने उनले बताएका छन् ।
आइतवारको बिहान मस्कले एक्स लोगो भएको छोटो भिडियो पोस्ट गरेका थिए । उनले गत वर्ष ४४ बिलियन डलरमा सामाजिक सञ्जाल प्लेटफर्म ट्वीटर किनेदेखि यो पछिल्लो ठूलो परिवर्तन हुनेछ । वेवसाइटमा एक्स डटकम टाइप गर्दा अब ट्वीटर डटकम खुल्छ ।
Our headquarters tonight pic.twitter.com/GO6yY8R7fO
— Elon Musk (@elonmusk) July 24, 2023
यस महिनाको सुरुमा टेस्ला सीईओ समेत रहेका अर्बपति मस्कले ट्वीटरमा नयाँ प्रतिबन्धहरुको घोषणा गरेका थिए । गत मे महिनामा मस्कले लामो समयदेखि एनबीसी युनिभर्सलमा कार्यकारी रहेकी लिन्डा याकारिनोलाई ट्विटरको सीईओको रूपमा नियुक्त गरेका थिए ।
ट्विटरको लोगोलाई एक्समा परिवर्तन गर्ने मस्कको कदम ट्विटरले मेटाको नयाँ एप थ्रेड्ससँग नयाँ प्रतिस्पर्धाको सामना गरिरहेको बेलामा आएको हो । थ्रेड्सलाई ट्विटरको विकल्पको रूपमा हेरिएको छ। सुरुवातको पहिलो पाँच दिनमा नै १ सय मिलियन मानिसहरूले थ्रेड्सका लागि साइन अप गरेका थिए