युक्रेनमा रूसी आक्रमणलाई लिएर एफएटीएफले गर्यो रूसको सदस्यता निलम्बन
प्रकाशित मिति : फाल्गुन १२, २०७९ शुक्रबार
विश्वव्यापी सम्पत्ति शुद्धीकरण विरोधी निगरानी संस्था फाइनान्सियल एक्सन टास्क फोर्स (एफएटीएफ) ले युक्रेनमा रूसी आक्रमणलाई लिएर रूसको सदस्यता निलम्बन गरेको शुक्रबार जनाएको छ ।
एफएटीएफले २०० भन्दा बढी देश र क्षेत्राधिकारका लागि मापदण्ड निर्धारण गर्दछ र अधिकारीहरूलाई लागुऔषध तस्करी, मानव तस्करी र आतङ्कवाद जस्तागम्भीर अपराधहरूको सामना गर्न मद्दत गर्छ ।
समूहले शुक्रबार एक विज्ञप्ति जारी गरी भनेको छ, “समूहको उद्देश्य सुरक्षा, सुरक्षा र विश्वव्यापी वित्तीय प्रणालीको अखण्डतालाई बढावा दिनु भएको र रूसी महासङ्घको यो कदम एफएटीएफको आधारभूत सिद्धान्तको विपरीत रहेको पाइएकोले कारबाही अघि बढाइएको छ ।” एफएटीएफको मापदण्ड कार्यान्वयनका लागि रुस अझै पनि जिम्मेवार रहेको विज्ञप्तिमा उल्लेख छ ।
पेरिसमा पाँच दिनसम्म चलेको बैठकपछि एफएटीएफले नाइजेरिया र दक्षिण अफ्रिकालाई निगरानी बढाउने देशको सूचीमा समावेश गरेको छ भने कम्बोडिया र मोरक्कोलाई उक्त श्रेणीबाट हटाएको छ ।
रूसलाई युरोपेलीे परिषद्बाट निष्कासित गरिएको छ भने संयुक्त राष्ट्र सङ्घीय मानव अधिकार परिषद्बाट निलम्बित गरिएको छ, तर रूस अझै पनि धेरै अन्तर्राष्ट्रिय सङ्गठनहरूको सदस्य छ ।