अमेरिका भिसा नयाँ डिजाइनमा, पूरानो भिसा हुनेहरुले के गर्ने ?


प्रकाशित मिति : मंसिर १८, २०७९ आईतबार

अमेरिकाको भिसा नयाँ डिजाइनमा जारी गर्न सुरु गरिएको सीबीपीले जनाएको छ । नयाँ डिजाइनमा लिंकनको तस्वीरको ठाउँमा गोल्डेन गेट ब्रिज राखिएको छ ।

पुरानो भिसा स्टीकरको स्टक सकिएपछि हरेक अमेरिकी दूतावास र कन्सुलरहरुले नयाँ डिजाइनको भिसा जारी गर्नेछन् । यद्यपी पूरानो डिजाइनको भिसा छ भने पनि उक्त भिसामा उल्लेखित अवधिसम्म उक्त भिसा काम लाग्ने र आवतजावत गर्न सकिने सीबीपीले जनाएको छ ।

पूरानै डिजाइनको भिसा भएकाहरुले कुनै कदम चाल्नुपर्नेछैन । उनीहरुले भिसा अवधि बाँकी रहँदासम्म पूरानै डिजाइनको भिसा प्रयोग गर्न सक्नेछन् । पूरानो भिसा अद्यावधिक भएसम्म उनीहरुले नयाँ डिजाइनको भिसा लिन आवश्यक पर्नेछैन ।

अमेरिकाको पूरानो डिजाइनको भिसा

मानक सुरक्षित कागजात संशोधन प्रक्रियाको एक भागको रूपमा, अमेरिकी कन्सुलर र दूतावासहरूले २०२३ मा पूर्णरुपमा नयाँ डिजाइनको भिसा जारी गर्न सुरु गर्नेछन्।

नयाँ भिसामा सान फ्रान्सिस्को चर्चित गोल्डेन गेट ब्रिज मुख्य रूपमा रहेको छ। भिसा डिजाइनमा परिमार्जनले फेरबदल र नक्कली गर्न अझ गाह्रो बनाउने अधिकारीहरूले बताएका छन् । सामान्यतया आवेदकहरूले कन्सुलर अन्तर्वार्ता सफलतापूर्वक पास गरेपछि अमेरिकी भिसाहरू जारी गरिन्छ र विदेशी राहदानीहरूमा छाप लगाइन्छ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com