निश्चित आवेदकले अब ९० दिनसम्म वर्क परमिट नआए शीघ्र प्रकृया अनुरोध गर्नसक्ने
प्रकाशित मिति : कार्तिक ३, २०७९ बिहीबार
अमेरिकामा निश्चित आवेदकले अब ९० दिनसम्म वर्क परमिट नआए शीघ्र प्रकृया अनुरोध गर्नसक्ने भएका छन् । स्वास्थ्यकर्मी वा बाल हेरचाहकर्मीहरुले अब ९० दिनसम्म वर्क परमिट पेन्डिङ रहेको अवस्थामा शीघ्र प्रकृया अनुरोध गर्न सक्नेछन् ।
युएससीआईएसले यसअघि नै वर्क परमिट नविकरण आवेदन पेन्डिङ रहेका स्वाथ्यकर्मी र बाल हेरचाहकर्मीहरुका सन्दर्भमा वर्क परमिटको म्याद ३० दिनभित्र सकिदै गरेको वा सकिएको अवस्थामा शीघ्र प्रकृया अनुरोध गर्नसक्ने व्यवस्था गरेको थियो । अहिले सुरुको वर्क परमिट आवेदनका सन्दर्भमा समेत ९० दिनसम्म पेन्डिङ रहेमा शीघ्र प्रकृया अनुरोध गर्न सकिने लचकता विस्तार गरिएको हो ।
स्वास्थ्यकर्मीका रुपमा यो सुविधा प्राप्त हुने नहुने जाँच गर्न यहाँ क्लीक गर्नुहोला ।
बाल हेरचाहकर्मीका रुपमा यो सुविधा प्राप्त हुने नहुने जाँच गर्न यहाँ क्लीक गर्नुहोला ।
बालहेरचाहकर्मीमा विद्यालय, व्यवसाय, निजी घरपरिवार र बाल हेरचाह संस्थाहरूमा बालबालिकाहरूका लागि उपस्थित हुने तथा कपडा लगाइदिने , खुवाउने, नुहाइदिने र खेलको निरीक्षण गर्ने जस्ता विभिन्न कार्यहरू गर्ने कामदारहरू समावेश छन्। तर यो परिभाषामा प्रिस्कूल शिक्षक वा शिक्षण सहायकहरू समावेश हुँदैनन् ।
मापदण्ड पूरा गर्ने आवेदकले आवेदनको शीघ्र प्रक्रियाको अनुरोध गर्न ग्युएससीआईएसको ८०० ३७५ ५२८३ नम्बरमा सम्पर्क गर्नुपर्छ । टी वा यु गैरआप्रवासी भिसामा आधारित वर्क परपिट पेन्डिङ हुनेले शीघ्र प्रकृयाका लागि यहाँ क्लीक गर्नुहोला । त्यस्तै दुर्व्यवहार दम्पत्ति, बच्चाहरु र अभिभावकहरुका सन्दर्भमा यहाँ क्लीक गर्नुहोला ।
स्वास्थ्यकर्मी वा बाल हेरचाहकर्मीले शीघ्र प्रकृया अनुरोध गर्दा अहिले काममा रहेको वा भविश्यमा काममा लाग्ने रोजगार प्रमाणिकरण पत्र, भर्खरको आय विवरण, वा भुक्तानीहरू लगायतका प्रमाणहरु पेश गर्नुपर्छ । प्रयाप्त प्रमाण प्राप्त नभएमा शीघ्र प्रकृयाको अनुरोध स्वीकार नगरिने युएससीआईएसले जनाएको छ ।
थप जानकारीका लागि यहाँ क्लीक गर्नुहोला ।