भिसा बुलेटिन युएससीआईएसबाट मान्य, ग्रिनकार्डवाहकका दम्पत्ति र रोजगारमा आधारित भिसा करेन्ट
प्रकाशित मिति : फाल्गुन ५, २०७८ बिहीबार
अमेरिकी सरकारको विदेश मन्त्रालय अन्तरगत ब्यूरो अफ कन्सुलर अफेयर्सले जारी गरेको मार्चको भिसा बुलेटिनलाई युएससीआईएसले स्वीकार गरेको छ । जस अनुशार ग्रिनकार्ड बाहकका दम्पत्ति र २१ बर्ष नकाटेका छोराछोरीका सन्दर्भमा भने आई १३० का साथमा ग्रिनकार्ड आवेदन आई ४८५ फाइल गर्न सकिनेछ ।
अमेरिकाभित्रै हुने ग्रिनकार्ड बाहकका दम्पत्ति र २१ बर्ष नकाटेका छोराछोरीका सन्दर्भमा आई १३० फर्मका साथमा ग्रिनकार्ड आवेदन आई ४८५ फाइल गरेर वर्क परमिट र ट्राभल डकुमेन्ट प्राप्त गर्नसकिन्छ । साथै अध्यागमन स्टाटस जोगाउने झन्झट पनि हुँदैन ।
त्यस्तै अमेरिका भित्र हुने अमेरिकी नागरिकका २१ बर्ष काटेका अविवाहित छोराछोरीले १५ मे २०१६ भन्दा अगाडि प्राथमिकता मिति भएको खण्डमा मार्चमा ग्रिनकार्ड आवेदन आई ४८५ फाइल गर्न सक्नेछन् । अमेरिकाभित्र हुने ग्रिनकार्डवाहकका २१ बर्ष काटेका अविवाहित छोराछोरीले २२ सेप्टेम्बर २०१६ भन्दा अगाडि प्राथमिकता मिति भएको खण्डमा मार्चमा ग्रिनकार्ड आवेदन आई ४८५ फाइल गर्न सक्नेछन् ।
अमेरिकाभित्रै हुने अमेरिकी नागरिकका विवाहित छोराछोरीहरुले सन् २००९ को अगस्त २२ भन्दा अगाडि प्राथमिकता मिति भएको खण्डमा मार्चमा ग्रिनकार्ड आवेदन आई ४८५ फाइल गर्न सक्नेछन् । अमेरिकाभित्रै हुने अमेरिकी नागरिकका दाजुभाई दिदीबहिनीहरुका सन्दर्भमा १ अक्टोबर २००७ भन्दा अगाडि प्राथमिकता मिति भएको खण्डमा मार्चमा ग्रिनकार्ड आवेदन आई ४८५ फाइल गर्न सक्नेछन् ।
अमेरिकाभित्रै हुनेहरुका सन्दर्भमा ग्रिनकार्ड आवेदन आई ४८५ फाइल गर्नुभन्दा अगाडि अमेरिकामा गैरकानूनी उपस्थीति भएको भने हुनुहुँदैन ।
मार्चमा रोजगारमा आधारित सबै श्रेणीका ग्रिनकार्डहरु करेन्ट रहेका छन् । अर्थात् अमेरिकाभित्र हुनेले आई १४० का साथमा ग्रिनकार्ड आवेदन आई ४८५ फाइल गर्न सकिनेछ ।