Follow @khasokhasmag

शर्त हटाउन दिइएको आवेदन पेन्डिङ हुँदा २ बर्षे ग्रिनकार्डको अवधि स्वत लम्बिनेबारे प्राविधिक अपडेट


प्रकाशित मिति : माघ १२, २०७८ बुधबार

शर्त हटाउनका लागि दिइएको आवेदन पेन्डिङ हुँदा लगानीका आधारमा प्राप्त २ बर्षे ग्रिनकार्डको अवधि स्वत लम्बिनेबारे युएससीआईएसले प्राविधिक अपडेट गरेको छ । जसमा शर्त हटाउनका लागि फाइल गरिएको आई ८२९ आवेदन पेन्डिङ हुँदा लगानीमा आधारित शर्तसहितको २ बर्षे ग्रिनकार्डको अवधि कसरी लम्बिन्छ भन्नेबारे थप जानकारी गराइएको छ ।

शर्त हटाउनका लागि उचित तरिकाले फाइल गरिएका आई ८२९ आवेदनका सन्दर्भमा युएससीआईएसले फर्म आई ७९७ नामको रिसिप्ट पठाउँछ । यो रिसिप्ट युएससीआईएसले आई ८२९ आवेदन प्राप्त गरेको प्रमाण हो । शर्त सहितको २ बर्षे ग्रिनकार्ड कहिलेसम्म स्वत लम्बिने भन्नेबारे पनि उक्त रिसिप्टमा उल्लेख गरिएको हुन्छ ।

यो रसिदका साथमा एक्सपायर भइसकेको वा हुन लागेको २ बर्षे शर्तसहितको ग्रिनकार्ड राखेको खण्डमा यसले सशर्त ग्रिनकार्डवाहकका रुपमा वैध स्टाटस प्रमाणित गर्दछ । यी कागजातका आधारमा अमेरिकामा रोजगारका लागि योग्य रहेको प्रमाणित गर्न सकिनुका साथै विदेशको भ्रमण गरेर अमेरिका फर्कन समेत सकिन्छ ।

यदि कसैको शर्तसहितको २ बर्षे ग्रिनकार्ड पनि एक्सपायर भएको छ र शर्त हटाउनका लागि उचित तरिकाले फाइल गरिएको आई ८२९ आवेदनको रिसिप्टको अवधि पनि एक्सपायर भएको छ भने यात्रा र रोजगारका लागि प्रमाणको रुपमा काम गर्नेगरी अवधि अझै थप्नका लागि युएससीआइएसको सम्पर्क केन्द्रमा फोन गर्न सक्नेछन् । त्यहाँ फोन गरेर फिल्ड अफिसमा अप्वाइन्टमेन्ट तय गर्न सकिनेछ ।

अप्वाइन्टमेन्टका बेलामा अध्यागमन अधिकारीले शर्तसहितको ग्रिनकार्डको कागजात जारी गर्न वा अस्थायी ग्रिनकार्डका रुपमा काम गर्ने छाप लगाउन सक्नेछन् । अधिकारीले आई ९४ फर्ममा वा म्याद नसकिएको पासपोर्टमा अस्थायी ग्रिनकार्डका रुपमा काम गर्ने आई ५५१ छाप लगाउन सक्नेछन् । यो छापका आधारमा अमेरिकामा काम गर्न वा अमेरिका बाहिर गएर आउन सकिनेछ ।

यदि शर्त हटाउनका लागि दिइएको आवेदन आई ८२९ अस्वीकार भएको खण्डमा पुनरावलोकनको अनुरोध समेत गर्न सकिन्छ । देश निकालाको अन्तिम आदेश नआउँदासम्मका लागि अस्थायी ग्रिनकार्डको रुपमा काम गर्ने आवेदकलाई आई ५५१ छाप प्रदान गर्न सकिनेछ । अपिल नगरिएको खण्डमा वा अपिल बोर्ड अफ इमिग्रेशन अपिलबाट अस्वीकार गरिएको खण्डमा देशनिकालाको आदेश अन्तिम हुनेछ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com