अमेरिकाले आज नेपाललाई १५ लाख डोज जोन्सन एण्ड जोन्सन भ्याक्सिन पठाउँदै
अमेरिकाले आज नेपाललाई १५ लाख डोज कोरोनाबिरुद्धको भ्याक्सिन पठाउने भएको छ । ह्वाइट हाउसका अधिकारीका अनुशार अमेरिकाले आज नेपालका लागि १५ लाख डोज जोन्सन एण्ड जोन्सन भ्याक्सिन पठाउन लागेको हो ।
जोन्सन एण्ड जोन्सनको भ्याक्सिन एकडोज लगाए पुग्छ भने नेपालमा भण्डारणका लागि समेत उचित व्यवस्था रहको छ ।
जोन्सन एण्ड जोन्सनको भ्याक्सिन ठीक्कदेखि सिकिस्तसम्मको संक्रमण रोक्न ६६ प्रतिशत प्रभावकारी रहेको छ भने सिकिस्त हुनबाट रोक्न ८५ प्रतिशत प्रभावकारी रहेको छ ।
जोन्सन एण्ड जोन्सनको एउटा डोज लगाएको २८ दिनपछि कोरोनाको कारण अस्पताल भर्ना हुने र मृत्यु हुनेदर शुन्य रहेको छ । मोडेर्ना र फाइजरको तुलनामा जोन्सन एण्ड जोन्सनका साइड इफेक्ट पनि कम छन् ।
जोन्सन एण्ड जोन्सनको भ्याक्सिन लगाएको १४ दिनपछि कोरोनाबिरुद्ध संरक्षण प्रदान गर्न सुरु गर्छ भने २८ दिनपछि पूर्ण संरक्षण प्राप्त हुन्छ ।
यो भ्याक्सिन २ देखि ८ डिग्री सेल्सियसको तापक्रममा आइपुग्छ र यही तापक्रममा भ्याक्सिनको म्यादसम्मै भण्डारण गर्न सकिन्छ । त्यस्तै प्रयोगका लागि प्वाल पारिएको भ्याक्सिनको शीशी पनि यो तापक्रमममा ६ घण्टासम्म राख्न सकिन्छ । नेपालको स्वास्थ्य संरचनामा यो तापक्रममा भ्याक्सिन राख्न र वितरण गर्नमा समस्या छैन ।
हाल अमेरिकामा स्वीकृत भ्याक्सिनहरुमध्ये जोन्सन एण्ड जोन्सनको भ्याक्सिनमात्र भण्डारण र वितरण गर्नसक्ने क्षमता नेपालसँग रहेको छ । नेपालमा माइनस २० डिग्री सेल्सियसभन्दा कम तापक्रममा भण्डारण गर्न सकिने कुनै व्यवस्था नभएको अवस्थामा जोन्सन एण्ड जोन्सनको भ्याक्सिन भने नेपालको लागि भण्डारण र वितरणमा सहज रहेको छ ।
हालसम्म नेपालमा अक्सफोर्ड विश्वविद्यालय र एस्ट्राजेनेकाले विकास गरेको कोभिसिल्ड र चिनियाँ कम्पनी सिनोफार्मले विकास गरेको भेरोसेल नामक खोप मात्रै लगाइएको छ । यी दुबै खोज दुईदुई डोज लगाउनुपर्छ ।
अमेरिकाले एसियाका विभिन्न देशलाई दिने २३ मिलियन डोज भ्याक्सिनमा नेपाललाई पनि भ्याक्सिन उपलब्ध गराउने प्रतिवद्धता जनाएको थियो । अमेरिकाले जुनको पहिलोसाता झण्डै ७ मिलियन डोज एसियाका देशलाई प्रदान गर्ने र जुनको तेश्रो साता १६ मिलियन डोज प्रदान गर्ने घोषणा गरेकोमा दुबै घोषणामा नेपाललाई समावेश गरेको थियो । नेपाललाई अमेरिकाले उपलब्ध गराउने भ्याक्सिन कोभ्याक्समार्फत हो ।
आउँदा केही दिनमा अमेरिकाले १५ लाखभन्दा बढी नेपालीलाई पुग्नेगरी कोभीड१९ खोप निशुल्क उपलब्ध गराउंदैछ। नेपाल-अमेरिका साझेदारीको ७३ बर्ष लामो यात्रामा यो मेरो लागि अत्यन्तै खुशीको क्षण हो। अमेरिका सदैव नेपालीहरूको साथमा छ र नेपालीको जीवनस्तर सुधारमा निरन्तर काम गरीरहनेछ। 🇺🇸🙏🇳🇵 pic.twitter.com/h00rhlhmds
— Ambassador Randy Berry (@USAmbNepal) July 9, 2021
यसैबीच नेपालका लागि अमेरिकी राजदूत र्याण्डी बेरीले अमेरिकाले १५ लाखभन्दा बढी नेपालीलाई पुग्नेगरी कोभीड १९ खोप निशुल्क उपलब्ध गराउने र नेपाल अमेरिका साझेदारीको ७३ बर्ष लामो यात्रामा यो आफ्ना लागि अत्यन्तै खुशीको क्षण भएको बताएका छन् । सामाजिक सञ्जालमार्फत
बेरीले भनेका छन् अमेरिका सदैव नेपालीहरूको साथमा छ र नेपालीको जीवनस्तर सुधारमा निरन्तर काम गरीरहनेछ।
