५ बर्ष लामो अथक प्रयास र लाप्राक नमूना वस्ती हस्तान्तरण गर्दाको खुशी

प्रकाशित मिति : बैशाख ९, २०७८ बिहीबार

– सोनाम लामा

आज २२ अप्रिल २०२१का दिन गैरआवासीय नेपाली संघ लाप्राक नमूना वस्तीको हस्तान्तरण भएको छ । आज हामी सबै गैरआवासीय नेपालीहरुको सपना साकार भएको छ ।

मलाई अत्यन्त खुशी लागेको छ । सुरुको अभियान दिन देखी म यो अभियानमा लागेको र यो कार्यकालमा मलाइ संघले नमूना वस्ती निर्माणको लागि संयोजकको हैसियतमा जिम्मा दिएको थियो र मैले यो जिम्मेवारी आज पुरा गरेको छु ।

सुरुमा पहिलो पटक सन् २०१६ को ३ देखी ६ अप्रिल सम्म लाप्राकको गुप्सीपाखामा त्यहाँको भौगोलिक स्थित अध्ययन गर्नको लागि म स्वयंम, तत्कालीन अमेरिकाबाट प्रतिनिधित्व गर्नु हुने आइसिसि सदस्य नविन शेरचन लगायत विज्ञहरु गएका थियौं । त्यस समयमा त्यहाको माटोको परिक्षण, जग्गाको नापी लगायत अन्य निर्माण सम्बन्धी कामको लागि चाहिने कुराहरुको अध्ययन गरिएको थियो ।

त्यस दिन देखी लगातार म यस निर्माण अभियानमा लागेको र आज अन्तिम दिनमा पनि यसको हस्तान्तरण म आफैले जिम्मालिएर गर्न पाएकोमा म निकै खुशी भएको छु ।

यो दिन गैरआवासीय नेपाली अभियानमा सधै स्मरणीय रहने छ । यस वस्ति निर्माणमा सहयोग गर्नु हुने गैरआवासीय नेपाली संघका अभियन्ताहरु, सम्पूर्ण दाताहरु, धार्चे गाउँपालिका, स्थानीय सरकार तथा जनप्रतिनिधि, स्थानीय समुदाय लगायत सम्पूर्ण महानुभावहरु प्रति आभार प्रकट गर्दछु ।

यस नमूना वस्तिमा सहयोग गर्नु हुने विशेष गरी तमुधी युके, मुस्ताङ् किदुङ् युएसए र अन्य संघ संस्थाहरुलाई सहयोग गरे वापत तत्कालिन अध्यक्ष शेष घलेज्यूले उहाँहरुले सहयोग गरेको रकम बराबरको घरहरुमा सहयोग गर्ने संघ संस्थाहरुको नाम लेख्ने र ती संघ संस्थाहरुको प्रतिनिधिहरु आएर साचो बुझाई हस्तान्तरण गर्ने भन्नु भएको थियो ।

तर अहिलेको कोभिडको विश्वव्यापी महामारीले गर्दा हामीले यो काम गर्न सकेनौ यसका लागि म यस नमूना वस्ती परियोजनाको संयोजकको तर्फबाट क्षमायाचना गर्न चाहन्छु । तर हामीले उहाँहरुको संघ संस्थाहरुको नाम शिलापत्रमा राखेका छौ ।

यस्तो परोपकारी कार्यमा सम्पूर्ण सहयोग गर्नु हुनेहरुलाई हार्दिक धन्यवाद ।

(लाप्राक नमूना बस्ती परियोजनाको जिम्मा पाउनुभएका सोनाम लामा एनआरएनए उपाध्यक्ष हुनुहुन्छ ।)

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com