कोरोनाबिरुद्धको फाइजर भ्याक्सिनको तेश्रो डोज १२ महिनाभित्र दिनुपर्ने हुनसक्ने
कोरोनाबिरुद्धको फाइजर भ्याक्सिनको तेश्रो डोज दोश्रो डोज लगाएको १२ महिनाभित्र दिनुपर्ने जस्तो रहेको कम्पनीका सीईओ अल्बर्ट बोरुलाले बताएका छन् । उनको यो भनाई बिहिबार सार्वजनिक गरिएको हो ।
कोरोनाबिरुद्धको फाइजर भ्याक्सिनको तेश्रो डोज लगाउनुपर्ने जस्तो देखिएको र दोश्रो डोज लगाएको ६ महिनादेखि १२ महिनासम्म लगाउनुपर्ने जस्तो देखिएको उनले बताएका हुन् । त्यसपछि बार्षिक रुपमा यो भ्याक्सिन लगाउनुपर्ने परिदृश्य देखिएको तर यो सबै सुनिश्चत गर्न भने बाँकी रहेको उनले बताए ।
यसअगाडि जोन्सन एण्ड जोन्सनका सीईओले पनि भ्याक्सिनको डोज फ्लु शटजस्तै हरेक बर्ष लगाउनुपर्ने हुनसक्ने बताएका थिए । पूर्णरुपमा भ्याक्सिन लगाएपछि त्यसले कति समय संरक्षण प्रदान गर्छ भन्ने अझै स्पष्ट छैन । शोधकर्ताहरु यसबारे निष्कर्षमा पुग्न अझै केहीसमय लाग्ने देखिएको छ ।
फाइजरले दोश्रो डोज लगाएको ६ महिनाभन्दा लामो समय भ्याक्सिनले कोरोनाबिरुद्ध संरक्षण प्रदान गरेको तथ्यांक सार्वजनिक गरेको थियो । त्यस्तै मोडेर्नाले पनि दोश्रो डोज लगाएको ६ महिनाभन्दा लामो समय भ्याक्सिनले कोरोनाबिरुद्ध संरक्षण प्रदान गरेको तथ्यांक सार्वजनिक गरेको थियो ।
मोडेर्ना भ्याक्सिन दोश्रो डोज लगाएको ६ महिनापछि पनि ९० प्रतिशत प्रभावकारी रहेको तथ्यांक सार्वजनिक भएको हो । मोडेर्नाले भ्याक्सिनको दोश्रो डोज लगाएको ६ महिनापछि पनि कोरोनाबिरुद्ध संरक्षण प्रदान गर्न ९० प्रतिशत र सिकिस्त हुनबाट रोक्न ९५ प्रतिशत प्रभावकारी रहेको तथ्यांक सार्वजनिक गरिएको हो ।
नयाँ तथ्यांकमा अप्रिल ९ सम्मका मामलाहरु समावेश गरिएको छ भने ९ सय भन्दा धेरै मामलाको मूल्यांकन गरिएको थियो । जसमा एकसय सिकिस्त बिरामीका मामलाहरु समेत थिए । नयाँ तथ्यांकले मोडेर्ना भ्याक्सिनलाई अमेरिकामा पूर्णरुपमा प्रयोगको अनुमतिका लागि आवेदन दिन एककदम नजिक ल्याएको छ ।
गत डिसेम्बरमा अमेरिकामा मोडेर्ना भ्याक्सिनले आपतकालिन प्रयोगको अनुमति पाएको थियो । तर पूर्णरुपमा अनुमति पाउनका लागि भने भ्याक्सिनको प्रभावकारिता सन्दर्भमा कडा प्रकारको पुनरावलोकन उत्तिर्ण गर्नुपर्छ । पूर्णरुपमा अनुमति पाएपछि भने कम्पनीले भ्याक्सिन सिधै ग्राहक र अमेरिकामा रहेका निजी कम्पनीहरुलाई बेच्न पाउनेछ ।
मोडेर्नाले आपतकालिन अनुमतिका लागि २ महिनाको तथ्यांक एफडीए समक्ष पेश गरेको थियो । पूर्णरुपमा अनुमति पाउनका लागि कम्तीमा ६ महिनाको तथ्यांक पेश गर्न आवश्यक छ । अहिले अमेरिकामा यो भ्याक्सिन १८ बर्षभन्दा माथिका व्यक्तिलाई लगाउन स्वीकृति प्रदान गरिएको छ ।
मोडेर्नाले यो तथ्यांक प्राथमिक रहेको र लक्षण नदेखिनेसंक्रमण भ्याक्सिनको प्रभावकारिता तथा एन्टीबडीको अवस्थाबारे बर्षभरी नै अद्यावधिक तथ्यांकहरु सार्वजनिक गर्दै जाने बताएको छ ।
मोडेर्नाले अहिले १७ बर्षभन्दा कम उमेरका व्यक्तिमा भ्याक्सिनको परीक्षण गरिरहेको छ । १२ देखि १७ बर्षसम्मका व्यक्तिमा भ्याक्सिनको परीक्षण भइरहेको र परीक्षणमा अमेरिकामा ३ हजार सहभागी रहेको कम्पनीले जनाएको छ । ६ महिनादेखि ११ बर्षसम्मकाहरुमा पनि भ्याक्सिनको परीक्षणका लागि सहभागीहरुलाई समावेश गराइदैछ । अमेरिका र क्यानडामा ६ हजार ७ सय ५० सहभागी हुने अपेक्षा गरिएको छ ।
