न्युयोर्कमा अप्रिल ६ बाट १६ बर्षमाथिका सबै भ्याक्सिनका लागि योग्य

खसोखास अमेरिका ब्यूरो

---

प्रकाशित मिति : चैत्र १६, २०७७ सोमबार

न्युयोर्कमा अप्रिल ६ बाट १६ बर्षमाथिका सबै भ्याक्सिनका लागि योग्य हुने भएका छन् । गभर्नर एन्ड्रयु कुमोले सोमबार यसको घोषणा गर्दै अप्रिल ६ बाट भ्याक्सिन र अप्वाइन्टमेन्टका लागि १६ बर्ष माथिका सबै योग्य हुने जानकारी दिएका हुन् ।

भोलि मार्च ३० देखि न्युयोर्कमा ३० बर्षमाथिका सबै व्यक्ति कोरोनाबिरुद्धको भ्याक्सिनका लागि योग्य हुनेछन् । राष्ट्रपति जो बाइडेनले मे १ बाट अमेरिकाभर सबै भ्याक्सिनका लागि योग्य हुने डेडलाइन तय गरेपनि त्यो भन्दा एकमहिना अगाडि नै सबै न्युयोर्कबासीहरु योग्य हुने भएका छन् ।

#BREAKING: Starting Tuesday, April 6 at 8am, all New Yorkers age 16+ will be eligible to schedule and receive the COVID-19 vaccines.

And beginning tomorrow at 8am, all New Yorkers age 30+ will be eligible to schedule and receive the vaccines.

Let’s #VaccinateNY

— Andrew Cuomo (@NYGovCuomo) March 29, 2021

न्युयोर्क र न्युजर्सीमा कोरोना संक्रमणको दर बढ्दै गर्दा यो घोषणा आएको हो । जोन हप्कीन्स युनिभर्सिटीको तथ्यांक अनुशार न्युयोर्कमा गतसाता ६७ हजार ९ सय ६३ जना संक्रमित भएका थिए । जुन अघिल्लो साताको तुलनामा ६४ प्रतिशत बढी हो ।

न्युयोर्कमा कोरोनाको नयाँ प्रकारका कारण महामारीको नयाँ छाल फैलिनसक्ने स्वास्थ्य अधिकारीहरुले चेतावनी दिएका छन् । सोमबार विहानसम्म न्युयोर्कका २९ दशमलव ६ प्रतिशतले भ्याक्सिन लगाइसकेका छन् । कुल न्युयोर्करमध्ये १६ दशमलव ८ प्रतिशतले दुबै डोज लगाइसकेका छन् ।