आईसीसीको नियम उल्लघन गर्दै एनआरएन अमेरिका
प्रकाशित मिति : कार्तिक २७, २०७७ बिहीबार
एनआरएनए अमेरिका आईसीसीको नियम नमानेर अगाडि बढ्न खोजेको छ । हाललाई कुनै पनि एनसीसीले सदस्यता बितरण नगर्नु भन्ने एनआरएनए आइसीसीको पत्रको बिरुद्धमा एनआरएनए अमेरिकाले सदस्यता वितरण जारी राखेको छ ।
आईसीसीका महासचिव डाक्टर हेमराज शर्माले तत्काललाई सदस्यता बितरण नगर्नु भनि दिएको परिपत्र एनआरएन अमेरिकाले नमानेर अगाडि बढ्दै सदस्यता बितरण गरिरहेको छ ।
स्थापनाकालदेखी नै सदस्यता सम्बन्धी बिबादमा पर्दै आएको एनआरएन अमेरिकाले प्राय चुनाव लक्षित सदस्यता बाड्दै आएको आरोप छ ।
आईसीसीले स्मार्ट एनआरएनए मार्फत सदस्यता रेकर्ड राख्न खोजेको भए पनि एनआरएन अमेरिकाले भने त्यो कुरा मान्न नसकिने भन्दै अगाडि बढेको छ ।
एनआरएन अमेरिकाले अमेरिकाको स्थानिय नियम र बिधानको कुरा गर्नु र आईसीसीले आफ्नै छाता संस्थाको रुपमा स्मार्ट एनआरएनए अन्तरगत सदस्यता रेकर्ड राख्ने खोजेको विवाद कायम छ ।
हाल निर्बाचित समिती नै २०९३ सदस्यता धेरै पहिला बनाएको र भेरिफाईड हुन नसकेका कारण अहिले सम्म विवाद मै रहेको छ ।
सदस्यता विवाद समाधानका लागी आईसीसीले बनाएको अमेरीकाज क्षेत्रका संयोजक राजन त्रिपाठी समितीले समेत छानबिन गरिरहेको छ ।