तिहारपछि खुलामञ्चमा निःशुल्क खाना वितरण बन्द गरिने


प्रकाशित मिति : कार्तिक २१, २०७७ शुक्रबार

तिहारपछि खुलामञ्चसहित राजधानीका खुला ठाउँमा निःशुल्क खाना वितरण बन्द गरिने भएको छ ।

शुक्रबार काठमाडौं महानगरपालिका र हाम्रो सानो प्रयास, हन्ड्रेड्स ग्रुप, गसिप क्वीन, हाम्रो टिम नेपाल, मानवी क्रिएटिभ एसोसियसनलगायतका अभियान–संघसंस्थाबिच भाइटीकाको भोलिपल्टदेखि सार्वजनिक स्थानमा निःशुल्क खाना नखुवाउने सहमति भएको हो ।

सहमतिअनुसार अबदेखि अभियन्ताहरुले स्थानीय पालिकाको समन्वयमा निश्चित स्थान पहिचान गर्नुपर्ने वा प्याकेटमा मात्र खाना वितरण गर्नुपर्ने छ ।

कोरोना भाइरसको आतंकका कारण सिर्जना भएको लकडाउनमा रोजगारी गुमाएका, मजदुर, असहाय र अशक्तलाई खुलामञ्च, पशुपतिलगायतका क्षेत्रमा अभियन्ताहरुले खाना खुवाउँदै आएका थिए । तर, महानगरले यसबाट संक्रमण फैलने खतरा हुने र फोहोर हुने भन्दै खाना वितरणमा अवरोध गर्दै आएको थियो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com