डोनाल्ड ट्रम्पले चुनाव जित्ने सम्भावना ८७ प्रतिशत रहेको शेयरबजार शोधको प्रक्षेपण
प्रकाशित मिति : कार्तिक ४, २०७७ मंगलबार
डोनाल्ड ट्रम्पले अमेरिकी राष्ट्रपतिको चुनाव जित्ने सम्भावना ८७ प्रतिशत रहेको एउटा शेयरबजार शोधले निष्कर्ष निकालेको छ । शेयर बजारको २ बर्षको सिंहावलोकनलाई विश्वास गर्ने हो भने यो चुनाव ट्रम्पले जित्नेछन् ।
सोसियोइकोनोमिक इन्स्टीच्युटको एउटा शोधले यस्तो प्रक्षेपण गरेको हो । यो समुहले चुनाव र आर्थिक संस्कृतिबारे प्रक्षेपण गर्न शेयर बजारको प्रयोग गर्दै आएको छ । र विगतका १६ पटकका प्रक्षेपणमध्ये १४ वटा मिलेका थिए । यही ट्रेण्ड कायम रहेमा १५ औंपटक पक्षेपण मेल खानेछ र ट्रम्पले जित्नेछन् ।
सन् १९९२ को चुनावमा भने शेयरबजार विगत ३ बर्षमा ३८ प्रतिशतले माथि उठ्दा समेत जर्ज हर्बट वाकर बुसले चुनाव हारेका थिए । यद्यपी यो प्रक्षेपण अनुशार विगत ३ बर्षमा २० प्रतिशतभन्दा माथि शेयरबजार माथि उठेको सन्दर्भमा समेत पदमै रहेका राष्ट्रपतिले दोश्रोपटक चुनाव जित्ने अनुमान गरिदै आएको छ ।
अमेरिकाका दोश्रा राष्ट्रपति जोन आडम्सले पनि दोश्रोपटक चुनाव जित्न सकेनन् । युएस चार्टड बैंकको मूल्य विगत ५ बर्षमा ३० प्रतिशतबृद्धि हुँदा पनि उनले १८०० मा चुनाव हारेका थिए । त्यतीबेला संघीय चार्टड बैंकहरु सार्वजनिक रुपमा ट्रेड स्टक थिए ।
अमेरिकामा राष्ट्रपति चुनाव आउन अब २ सातामात्र बाँकी रहेको छन् । यसपटकको राष्ट्रपति चुनावमा मतदान गर्नका लागि झण्डै ५० हजार नेपालीहरु योग्य रहेका छन् ।