KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

अमेरिकामा बनाइरहेको कोरोना भ्याक्सिनका तथ्यांक चोर्न चाइनिज सरकारबाट ह्याकर प्रयोग

प्रकाशित मिति : श्रावण १६, २०७७ शुक्रबार

अमेरिकामा बनाइरहेको कोरोनाबिरुद्धका भ्याक्सिनका तथ्यांक चोर्न चाइनिज सरकारबाट ह्याकर प्रयोग गरिएको खुलासा रोयटर्सले गरेको छ । चाइनिज ह्याकको ट्रयाक गरिरहेका अमेरिकी सुरक्षा अधिकारीका अनुशार अमेरिकामा भ्याक्सिन निर्माण गरिरहेको कम्पनी मोडेर्नाका डाटाहरु चोर्न चाइनिज ह्याकरले प्रयास गरिरहेको र चाइनिज सरकारले सघाएको जनाइएको छ ।

चाइनिज सरकारले भने मोडेर्नाको तथ्यांक ह्याक गर्न प्रयास गर्ने ह्याकरहरुलाई आफूले कुनै सहयोग नगरेको दावी गरेको छ । मोडेर्नाले अमेरिकामा कोरोनाबिरुद्धको भ्याक्सिनको विश्वकै सबैभन्दा ठूलो क्लीनिकल ट्रायल सुरु गरिसकेको छ ।

गतसातामात्र अमेरिकाको डिपार्टमेन्ट अफ जस्टिसले अमेरिकाको जासुसी गरेको अभियोगमा मुद्दा दायर गरेको थियो । उनीहरुले अमेरिकामा कोरोनाबिरुद्धको लडाईमा मेडिकल रिसर्च गरिरहेका तीनवटा कम्पनीलाई निशाना बनाएको अभियोग लगाइएको छ ।

चाइनिज ह्याकरले निशाना बनाएको मोडेर्ना कम्पनी मासाचुसेट्समा रहेको छ । कम्पनीलाई एफबीआईएले सम्पर्क गरेर सचेत गराइसकेको छ । मोडेर्नाले आफूहरु साइबर सेक्युरिटीको जोखिममा रहेकोबारे उच्च शतर्कता अपनाएको बताएको छ ।

Loading...

अमेरिकी सरकारले ह्याकरको निशानामा रहेका अन्य कम्पनीको नाम भने सार्वजनिक गरेको छैन । यद्यपी सबैभन्दा छिटो भ्याक्सिनका डोजहरु सर्वसाधारणका लागि उपलब्ध गराउने अपेक्षा गरिएको मोडेर्ना नै ह्याकहरुको मुख्य निशाना रहेको जनाइएको छ ।

मोडेर्नालाई भ्याक्सिन उत्पादनका लागि अमेरिकी सरकारले झण्डै ५ सय मिलियन सहयोग गरिसकेको छ । मोडेर्नाले गत सोमबारदेखि अमेरिकामा झण्डै ३० हजारलाई भ्याक्सिनको परीक्षण सुरु गरिसकेको छ ।

Loading...

अमेरिकाले दुईजना चाइनिज ह्याकरहरु लि शियायु र दोङ जियाझीले एकदशकदेखि ह्याकरका रुपमा काम गर्दै आएको र हालै कोभिड १९ सँग सम्बन्धित शोधलाई निशाना बनाएको आरोप लगाएको छ । उनीहरुले चीनको सरकारी खुफिया एजेन्सीका लागि ठेकेदारका रुपमा काम गरिरहेको अमेरिकी अभियोजनकर्ताहरुले आरोप लगाएका छन् ।

चीनले भने आफूहरुले कुनै पनि भ्याक्सिनको शोध ह्याक गर्न सहयोग नगरेको बरु चीनले भ्याक्सिन निर्माणमा नेतृत्वदायी भूमिका निभाइरहेकाले अरु देशले ह्याकर प्रयोग गरेर आफ्नो प्रविधि चोर्नसक्नेबारे चिन्तित रहेको बताएको छ । नेतृत्वदायी भूमिकाका लागि आफूहरुलाई चोरीमा संलग्न हुन आवश्यक नभएको चीनले बताएको छ ।

भिडियो हेर्नुहोस्

थप रोचक शीर्षकहरु

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com