भारतमा कोरोना संक्रमणबाहेकका रोगबाट मृत्य हुने मानिसको संख्या बढ्यो
प्रकाशित मिति : असार १८, २०७७ बिहीबार
विश्वभर कोरोना भाइरसका कारण मानिसहरुको अत्यधिक मृत्यु भएको तथ्यांहरु आइरहेका बेला भारतमा नयाँ किसिमको तथ्यांक सार्वजनिक भएको छ । भारतमा कोरोना संक्रमणबाहेकका रोगबाट मृत्यु हुने मानिसको संख्या बढेको छ ।
यस तथ्यांकमा कोरोना भाइरस संक्रमणको महामारीले स्वास्थ्यका अन्य क्षेत्रमा प्रभाव पारेको बताइएको छ । चिकित्सकका अनुसार पश्चिमी गुजरातमा गम्भीर बिरामी हुँदा पनि मानिसहरु अस्पताल नजाने गरेको र अस्पताल गएमा कोरोना सर्छ भन्ने डरका कारण कोरोना संक्रमणबाहेकको रोगबाट मानिसहरुको मृत्यु हुने संख्या बढिरहेको छ ।
२४ वटा शवदाहगृह र चारवटा ठूलो मुस्लिम कब्रिस्तानबाट लिइएको तथ्यांक अनुसार अप्रिलमा ३ हजार ५५८ जनाको मृत्यु भएको पाइएयो भने मेमा ७१५० जनाको मृत्यु भएको पाइएको हो । यही समयमा गत वर्ष अप्रिलमा २ हजार ७८४ जनाको मृत्यु भएको थियो भने मेमा २ हजार ७०६ जनाको मृत्यु भएको थियो ।
नयाँ दिल्लीस्थित जवाहरलाल नेहरु विश्वविद्यालयका सामुदायिक स्वस्थ्यका प्रोफेरस डा. राजिव दास गुप्ताले यो तथ्यांकले अन्य मुलुकहरुमा पनि यस्तो हुनसक्ने देखाउँछ र अन्य मुलुकका लागि पनि अशुक संकेत भएको बताएका छन् ।