बढ्यो पेट्रोल, डिजेल र मट्टितेलको मूल्य
प्रकाशित मिति : असार १६, २०७७ मंगलबार
![](https://i0.wp.com/www.khasokhas.com/wp-content/uploads/2019/03/petrol_VkRXP9kt2A.jpg?fit=800%2C499&ssl=1)
नेपाल आयल निगमले पेट्रोलियम पदार्थको मूल्य बढाएको छ । भारतबाट आउने मूल्यसूची बढेर आएकाले मूल्य समायोजन गरिएको निगमले जनाएको छ। मंगलबार निगमले गरेको निर्णय अनुसार पेट्रोलमा प्रतिलिटर ५ रुपैयाँ र डिजेल तथा मटितेलमा प्रतिलिटर २ रुपैयाँ मूल्य बढाएको छ।
मुल्य बढेसँगै पेट्रोलको मूल्य प्रतिलिटर १०१ रुपैयाँ पर्नेछ। त्यस्तै, डिजेल र मट्टितेलको मूल्य प्रतिलिटर ८७ रुपैयाँ कायम भएको छ। खाना पकाउने ग्यास र हवाई इन्धनको मूल्य भने यथावत राखिएको छ। बढेको मूल्य आज राति १२ बजेबाट लागू हुने निगमले जनाएको छ।