नेपालमा भित्रियो सलह किरा
प्रकाशित मिति : असार १३, २०७७ शनिबार
![](https://i0.wp.com/www.khasokhas.com/wp-content/uploads/2020/06/Salaha-kira.jpg?fit=768%2C420&ssl=1)
नेपालमा सलह किरा प्रवेश गरेको छ । पर्सा, बारा र सर्लाहीका केही ठाउँमा शनिबार बिहान सलह कीराका समूह देखिएको हो । बारा जीतपुर, सिमरा नगरपालिका, निजगढ नगरपालिकामामा सलह देखिएको कृषि तथा पशुपन्छी विकास मन्त्रालय स्रोतले बताएको छ ।
यसअघि कृषि मन्त्रालयको एउटा निकायले अब कीरा नेपाल प्रवेश नगर्ने निष्कर्षसहितको प्रतिवेदन तयार गरेको थियो । तर, यो निष्कर्ष निकालिएको एक महिना पनि नपुग्दै नेपालमा भारतबाट सहल प्रवेश गरेको हो । अहिले कृषि प्राविधिक टोली सलह देखिएको स्थान पुगिसकेको बताइएको छ ।