बोल तिमी म जस्तै
प्रकाशित मिति : जेष्ठ २४, २०७७ शनिबार
– प्रकाश परियार नेपाली
समस्या सदियौंको हो
जो त्यहा पनी थियो
यहाँ पनी छ।
त्यहाँको समस्या ठुलो छैन
हामीले त बच्चै देखी देखेको
अनी सोच्छौ, त्यहाँ त
बिस्तारै परिवर्तन हुन्छ
त्यहाँ मान्छे मर्छन्
विद्धानहरु अपहरणकारीको दोष दिन्छन्
प्रेमको त्याग र तपस्याको दियो
त्यही निभ्छ अनी
दोषी उही हुन्छ,
जसको सजाय हत्या हुन्छ
हामी बोल्छौ अन्यायको बिरुद्ध
तर त्यहाँको हाल थाहा नै छैन
यहाँ संसार उर्लदै छ
उता कानुनलाई नै थाहा छैन
बोल तिमी म जस्तै
जहाँ यो र त्यो छैन
यहाँ तिम्रो पिडा देख्छु
त्यहाँ तिम्रो कुनै मतलब छैन।
(यो सब म जस्तै रंगभेदको बिरुद्ध आवाज उठाई रहेका विद्धान साथीहरुको लागी)