देशकाे नयाँ नक्सा
प्रकाशित मिति : जेष्ठ १३, २०७७ मंगलबार
– शरद पौडेल
माैसुफहरू यतिखेर
छापिरहेछन देशकाे नयाँ नक्सा
भूगाेलकाे नयाँ नक्सा,
लिम्पियाधुरा, कालापानी र लिपुलेक ।
तर मित्र,
मेरा लागि देशकाे नक्सा
माटाे त हाे,
तर माटाे मात्र हाेईन ।
त्यसैले त म देखिरहेछु
अरू धेरै थाेक पनि नक्सामा ।
अलि रामरी नियाल्याै भने,
तिमिले पनि देख्नेछाै मित्र
मेराे देशकाे नयाँ नक्सामा अरू धेरै ।
देख्नेछाै तिमीले नक्सामा,
दाेस्राे दर्जाका नागरिकहरू ।
सदियाैं देखि
जाे ठानिएका छन् पाईतालाकाे धुलाे
वा पुरूष गाेडाका जुत्ताहरू ।
जाे बनाईएका छन् अस्मिताहीन,
जाे बलत्कार पछि
अलपत्र पारेर बारीमा फालिन्छन्
हाे मित्र,
मेराे देशकाे नयाँ नक्सा
मझेरीमै लुटुपुट्याईएका
बलत्कार पछि झाडितिर फालिएका
सयाैं हजाराैं नीर्मला पन्तहरू ।
नक्सामा देखिनेछन्
राज्य अाँखाकाे मासिन्या मतवाली
भाेकले सडकमै ढलेका
सूर्यबहादुर तामाङहरू ।
र अरू थुप्रै अनागरिकहरू
जाे समाज अाँखामा वेमाेल
यतिबेला राज्यले पस्केकाे साैगात
भाेकले थलिएर मरेका मलरा सदाहरू ।
हाे मित्र!
मेराे देशकाे नयाँ नक्सा
असैह्य भाेकले डसेर
बेवारिसे सडक हुँदाे नै ढलेका/ ढालिएका
हजाराैं सूर्यबहादुर र मलरा सदाहरू ।
मित्र देख्नेछाै !
तिमिले देख्नेछाै मेराे देशकाे नक्सामा
जातिय उच्चताका अहँकारी
स्वाँठहरूबाट सयाैं बर्षदेखि प्रताडित
मानवीय मर्यादा खाेसिएका,
जीवन गुमाईरहेका कथित दलितहरू
सयैं हजाराैं नवराजहरू !
हाे मित्र,
मेराे देशकाे नयाँ नक्सा
ब्राम्हणवादीहरूकाे लपेट खाएका
वर्णवादीहरूबाट खुसी खाेसिएका
र, हत्या गरिएका सयाैं हजाराैं नवराजहरू !