अन्धविश्वासमा रुमल्लिएका रक्तपिपासुहरु
प्रकाशित मिति : जेष्ठ १३, २०७७ मंगलबार
– प्रकाश परियार नेपाली
माया त गरेकै हो
तिम्रो मायामा पागल हुने गरी
तर थाहा थिएन
हाम्रो मायामा जातीय पर्खालले
तगारो हाल्छ भन्ने !
माया पनी यती गरेछु
थाहा नै भएन
तिमीलाई खुसी दिने कसमहरु
आज, तिमीलाई पाउने सपना संगै
सपना मै उडी गए !
आट पनी गरेकै हो
सम्पुर्ण वाधाको सामना गर्न
तर थाहा नै भएन
अन्धविश्वासमा रुमल्लिएको रक्तपिपासुहरु
ज्यानकै पछी लाग्छन भन्ने !
दोष के हो बुझ्नै नपाई
ढुंगा मुढाको पिडा संगै
भेरी नदीको भिरबाट झर्दा
आश त थियो तिमी
मेरो हात समाउन आउछौ भन्ने !
गल्ती मेरो मात्र भयो
साथ त तिमीले पनी दिएकै थियौ
भोली तिम्रो पाप स्वीकार हुन्छ
थाहा थिएन
मेरो सजाय मृत्यु हून्छ भन्ने !
बोस्टन, अमेरिका