लकडाउनमा धैर्य बन्न नायिक मास्केको सुझाव
प्रकाशित मिति : बैशाख १५, २०७७ सोमबार
चलचित्र द ब्रेकअपबाट नेपाली चलचित्र क्षेत्रमा पाइला चालेकी शिल्पा मास्केले कागजपत्र, सानो मन, काठपुतली जस्ता चलचित्रमा अभियान गरेकी छन । उनले थुप्रै म्युजिक भिडियो, फोटोसुट , एड पनि गरिसकेकी छन् ।
उनले नेपाली चलचित्र क्षेत्रमा मात्र नभई हलिउड, बलिउडमा पनि अभिनय गरेकी छन् । शिल्पा मास्केले हलिउडमा डाक्टर स्ट्रेन्ज, मिसन इम्पोसिभल, फलआउट जस्ता चलचित्रमा अभिनय गरेकी छन भने हलिउड सर्ट फिल्म ’एलिफेन्ट’ मा पनि अभिनय गरेकी छन् ।
बलिउड चलचित्र गोल्डमा अभिनय गरेकी शिल्पा पछिल्लो समयमा नेपाली चलचित्रमा व्यस्त छिन् । उनका चलचित्रले बक्स अफिसमा राम्रो कलेक्सन नगरे पनि शिल्पाको अभिनयको भने दर्शकले खुलेर तारिफ गर्दै आएका छन् । आफ्नो पात्रलाई शिल्पाले न्याय दिने गरेको केही चलचित्रकर्मी बताउछन् ।
कोरोनाको संक्रमण फैलिन नदिन सरकारले लकडाउन घोषणा गरेपछि आम सर्वसाधारण झैँ कलाकारहरु पनि घरभित्रै सीमित हुनु परेको छ । शिल्पाले पनि आफ्नो यो समय परिवारसँग बिताउँदै आएको बताईन । शिल्पाले यो समयमा आफुलाई प्रोडेक्टिभ बनाउन प्रयास गरिरहेको जानकारी दिएकी छिन् ।
कोरोना भाईरस कारण गरिएको यो लकडाउन सबैको लागि भएका कारण यस्को पूर्णपालना गर्न उनको आग्रह छ । यो लकडाउनका कारण लामो समयसम्म घरबाट बाहिर निस्किन नपाउँदा धेरैलाई अत्यास र निराश लागेको भए पनि यस्तो परिस्थितिमा धैर्यता र सकारात्मक सोच राख्न उनले आग्रह गरेकी छन् ।
यो समय प्रोडे्क्टभिटी चेक गर्न समय नभएका कारण प्रोडेक्टिभ हुने चाहनामा आफुले आफैलाई प्रेसर नदिन र आफुलाई जे कुरा गर्न सजिलो लाग्छ त्यही गर्न पनि उनले आग्रह गरेकी छन् । घरमै बसेर व्यायाम गर्दा शरीरलाई उत्साहित बनाउने उनको अनुभव छ ।
सामाजिक सञ्जाल धेरै प्रयोग गर्दा र टिभी धेरै हेर्दा मानिसको दिमागलाई डल बनाउने हुँदा यस्को प्रयोग धेरै नगर्न पनि उनले आग्रह गरेकी छन् । उनले कोरोना भाईरस सम्बन्धी समाचारको अपडेट रहन पनि आग्रह गरेकी छन् ।