अब एनआरएनए आईसीसी र सबै एनसीसीले तीनतीन महिनामा आर्थिक प्रतिवेदन सार्वजनिक गर्नुपर्ने
प्रकाशित मिति : माघ २२, २०७६ बुधबार
अब एनआरएनए आईसीसी र सबै एनसीसीले तीनतीन महिनामा आर्थिक प्रतिवेदन सार्वजनिक गर्नुपर्ने भएको छ । अब उप्रान्त आइसिसी र सवै एनसिसीहरुले हरेक तीनतीन महिनामा आफ्नो आर्थिक प्रतिवेदन सार्वजनिक गर्दै जानुपर्ने एनआरएनए आईसीसीका अध्यक्ष कुमार पन्तले बताएका छन् ।
एनआरएनए भित्र आर्थिक घोटाला भएको चर्चा बढिरहँदा संस्थालाई पारदर्शी बनाउन आर्थिक प्रतिवेदन तीनतीन महिनामा सार्वजनिक गर्नुपर्ने बताएका हुन् । एनआरएनए आईसीसीको आर्थिक प्रतिवेदन वेवसाइटमार्फत नै सार्वजनिक गरिसकिएको छ ।
आर्थिक प्रतिवेदनमा एनआरएनए भवन निर्माणदेखि शंखमुल गार्डेन परियोजनासम्मको विस्तृत विवरण समेटिएको छ । रिपोर्ट हेर्न यहाँ क्लिक गर्नुहोला ।
कुमार पन्तले भनेका छन् – ‘गैर आवासीय नेपाली संघको आर्थिक पाटोलाई पारदर्शी र उत्तरदायीपूर्ण बनाइए मात्र संस्थाको गरिमा लाई उचो राख्न सकिन्छ भन्ने मान्यता बमोजिम अन्तरराष्ट्रिय समन्वय परिषदको निर्णय अनुसार संघको आर्थिक प्रतिवेदनलाई संघको वेवसाइट मार्फत सार्वजनिक गरिसकिएको छ।’
अब अन्तर्राष्ट्रिय समन्वय परिषदको निर्णय बमोजिम संघका सम्पूर्ण राष्ट्रिय समन्वय परिषद्हरुको वित्तिय अवस्था पनि पारदर्शी बनाउन र वित्तिय विवरण, आर्थिक प्रतिवेदनमा एक रुपता ल्याउनको लागि आआफ्नो आर्थिक प्रतिवेदन सार्वजनिक गर्नको लागि पत्राचार गरिसकिएको पन्तले जानकारी दिएका छन् ।