सम्मानित होस् मेरो देश
प्रकाशित मिति : मंसिर १५, २०७६ आईतबार
म मान अनि सम्मानको भोको त कहिल्यै नबनौ !
मेरा शब्द रोपियुन यस देशमा यसैकी भोकी सँधै बनौ !!
मेरो मात्र सम्मान बढोस् यस्तो स्वार्थी कहिले नचाहुँ !
बरु देशलाई त्याग र सम्मान गर्न हरपल म चाहुँ!!
म स्वार्थी आफ्नालागि मात्र कहिल्यै नबनौ !
बरु देशमा पिडा भोग्नेहरुका लागि केही गरौँ !!
म शब्दले पूजा यो धरालाई हरपल गरौँ !!
यसैको समृद्दिका खातिर मेरा
कर्म सजाऔँ !!
म महलमा सुख देखेर मात्र कहिल्यै नरमाऊँ
गरिवको झुपडीमा उज्यालो दीप पो बालौँ !!
म शब्द रमाएर मेरो देशलाई अविरल पोखौँ !
उन्नति होस नेपालको कामना हरपल मनले गरौँ !!
म सम्मान आफ्नोमात्र खोजेर गमक्क यसै नपरौ !!
बरु देशको सम्मानमा मेरो यो शिर नै चढाऊँ !!
फूल ,माला र खादा सम्मान मलाई किन हो सुहाउँदैन्!
देशको इज्जत बढे सम्मानित म नहुने हुँदै हैन!!
म सम्मान पनि हनथापौँ बरु मेरो देशले सम्मान थापोस् !
म खादा न ओढौँ बरु मेरो देशले विकास ओढोस्!
फूलको माला ओढोस् देशले मलाई रहर छैन्!
देशले समृद्धि ओढोस् यो भन्दा केही चाहिदैन !!
अहोरात्र खटाइ र कर्म गर्ने जाँगर चलोस्!
महलको सुख भिर पाखा र भारी बोक्नेलाई पुगोस् !!
भोका नाङ्गा कोही नहुन देशका हर भुभागसम्म!
उपचार नपाइ कोही नमरुन मेरो देशको सिमासम्म!!
गरिखाने उद्योग धन्दाहरु अनगिन्ति खुल्न पर्छ !
युवालाई काम दिएर सुविधा सम्मान दिनै पर्छ!!
- सुवा