आजदेखि ५ लाखको ग्रिनकार्ड ९ लाख, १० लाखको ग्रिनकार्ड १८ लाख
प्रकाशित मिति : मंसिर ५, २०७६ बिहीबार
अमेरिकी सरकारले आजदेखि ५ लाखको ग्रिनकार्डका लागि ९ लाख, १० लाखको ग्रिनकार्डका लागि १८ लाख डलर खर्चिनुपर्ने अवस्था सृजना गरेको छ । लगानीका आधारमा ग्रिनकार्ड प्रदान गर्ने इबी फाइभ कार्यक्रममा अमेरिकी सरकारले कडाई गरेको हो । स्ट्याण्डर्ड न्यूनतम लगानी १० लाख डलर रहदै आएकोमा आजदेखि उक्त रकम बढाएर १८ लाख डलर बनाइएको छ ।
नियमको पूर्ण पाठ यहाँ पढ्न सक्नुहुनेछ ।
लक्ष्यीत रोजगारी क्षेत्रमा गरिने लगानी न्यूनतम ५ लाख डलर रहदै आएकोमा बढाएर ९ लाख डलर बनाइएको छ । युएससीआईएसले सुरुमा यो रकम बढाएर १३ लाख डलर बनाउने प्रस्ताव गरेपनि अहिले ९ लाख डलरमात्र कायम गरिएको हो ।
लगानीको थ्रेसहोल्ड हरेक ५ बर्षमा स्वत बढाइने जनाइएको छ । लक्ष्यीत रोजगारी क्षेत्र तोक्ने अधिकार अब युएससीआईएसमा मात्र हुनेछ । लक्ष्यीत रोजगारी क्षेत्र वेरोजगारी दर बढी भएको वा ग्रामिण क्षेत्र हुनेछ । नोभेम्बर २१ भन्दा अगाडि आवेदन दिनेहरुका सन्दर्भमा पुरानै नियम लागु हुने भएपनि नयाँ क्राइटेरिया पूरा नभएका रिजनल सेन्टरहरु नोभेम्बर २१ पछि अयोग्य हुनेछन् ।
कम्तीमा १० जना अमेरिकन कामदारहरुलाई रोजगार दिनेगरी ईबी फाइभ कार्यक्रम अन्तरगत लगानी गर्ने व्यक्तिले सपरिवार अमेरिकाको ग्रिनकार्ड प्राप्त गर्नसक्ने प्रावधान रहेको छ ।