विसंगतीबिरुद्ध गाउने प्रकाशको नयाँ एल्बम डिजिटल स्टोरमा


प्रकाशित मिति : फाल्गुन २३, २०७४ बुधबार

युवा गायक प्रकाश न्यौपानेको नयाँ एल्बम फ्युजन डिजिटल स्टोरमा रिलिज भएको छ । विश्वभर गीतसंगित डिजिटल प्रविधिमा गइसकेको र विश्वभर नै गीतहरु डिजिटल स्टोरमा रिलिज हुन थालेको सन्दर्भमा प्रकाशको नयाँ एल्बम पनि आई ट्युन स्टोर, गुगल प्ले, अमेजन र स्पोटीफाईमा रिलिज गरिएको हो ।

आइट्युनमा प्रकाशको गीत सुन्न यहाँ क्लिक गर्नुहोला ।

स्पोटीफाईमा प्रकाशको गीत सुन्न यहाँ क्लिक गर्नुहोला ।

उनका गीतहरु र्याप र हिपहप विधामा रहेका छन् । उनले नेपाली सामाजिक र राजनीतिक बिकृति विसंगतिकाबिरुद्ध पनि गीत गाएका छन् ।

नेपालमा पनि सीडी, भिसिडी वा क्यासेटको प्रयोग हराइसकेकाले व्यवसायिक रुपमा डिजिटल स्टोरमा एल्बम रिलिज गर्ने प्रचलन सुरु भइसकेको छ । त्यो बाहेक युट्युब, फेसबुक जस्ता प्लेटफर्ममार्फत पनि गीत र भिडियोहरु रिलिज हुने गरेका छन् ।

प्रकाशको नयाँ एल्बम फ्युजनमा ७ वटा गीतहरु रहेका छन् । हालसम्म डेढदर्जन भन्दा धेरै गीत गाइसकेका उनको यो दोश्रो एल्बम हो । यसअगाडि सन् २०१६ मा उनको प्रकाश ट्युन्स नामको एल्बम आएको थियो ।

उनका गीतहरु युट्युबमामात्र झण्डै २० लाख पटक हेरिएको छ भने यु गट मी नामको गीत १० लाख भन्दा धेरैपटक हेरिसकिएको छ । १६ बर्षको उमेरदेखि गीत गाउन थालेका २१ बर्षीय गायक प्रकाशका गीतहरु नेपाली युवापुस्तामाझ निकै लोकप्रिय छन् । उनका ९ वटा गीतका भिडियो पनि सार्वजनिक भइसकेका छन् ।

प्रकाशको बारेमा थप जान्न र उनका सबै गीतहरु सुन्न उनको वेवसाइट हेर्नुहोला ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com