नवनियुक्त प्रदेश प्रमुखहरूले लिए पद तथा गोपनीयताको शपथ
प्रकाशित मिति : कार्तिक १९, २०७६ मंगलबार
नवनियुक्त सातै प्रदेशका प्रमुखहरूले पद तथा गोपनीयताको शपथ लिएका छन् । राष्ट्रपति विद्यादेवी भण्डारीले राष्ट्रपति कार्यालयमा मंगलबार बिहान प्रदेश प्रमुखहरुलाई सपथ ग्रहण गराउनु भएको हो ।
राष्ट्रपति विद्यादेवी भण्डारीले मन्त्रिपरिषद्को सिफारिसमा सोमबार सातवटै प्रदेशका प्रदेश प्रमुख नियुक्त गर्नुभएको थियो ।
राष्ट्रपति कार्यालयका अनुसार प्रदेश नं १ को प्रमुखमा सोमनाथ अधिकारी प्यासी, प्रदेश नं २ मा तिलक परियार, प्रदेश नं ३ मा विष्णुप्रसाद प्रसाईं र गण्डकी प्रदेशमा अमिक शेरचन नियुक्त हुनुभएको छ ।
यस्तै प्रदेश नं ५ मा धर्मनाथ यादव, कर्णाली प्रदेशमा गोविन्दप्रसाद कलौनी र सुदूरपश्चिम प्रदेशमा शर्मिलाकुमारी पन्त नियुक्त हुनुभएको छ ।
