पर्सा प्रहरीको मिलोमतोमा पशुको तस्करी, १० लाख मुल्य बराबरको रागां, भैसी पक्राउ
प्रकाशित मिति : चैत्र ३०, २०७५ शनिबार
सशस्त्र प्रहरी बल राजश्व तथा भन्सार गस्ती सुरक्षा बीरगंजले करिव १० लाख मुल्य बराबरको भन्सार छलेर नेपाल भित्रयाउदै गरेको गाईगोरु रागां, भैसी पक्राउ गरेको छ । भन्सार राजश्व गस्ती टोलीले बिशेष सुचनाको आधारमा रातीको समयमा पर्सा र बाराबाट भारतबाट नेपाल तर्फ छोटी नाका हुदै तस्करहरुले भित्रयाउदै गरेको अवस्थामा उक्त मुल्य बराबरको नियन्त्रणमा लिएको हो ।
सशस्त्र प्रहरीको भन्सार राजश्व गस्ती टोलीले बारा र पर्सा गरी ४५ वटा गोरु र राड्डा भैसी गरेर ९ लाख ४२ हजार रुपैया बराबरको पक्राउ गरेको हो । सशस्त्र प्रहरीको भन्सार राजश्व गस्ती बीरगंजका प्रमुख सशस्त्र प्रहरी नायव उपरिक्षक तिलक खडकाको नेतृत्वमा गएको गस्ती टोलीले पर्साको भिष्वा, जानकीटोला र बाराको बलिरामपुरबाट ३७ वटा राड्डा भैसी र ८ वटा गोरु पक्राउ गरेको हो ।
पर्साको जानकीटोली, भिष्वा अमरपट्टी, प्रसौनी लगायतका स्थानहरुबाट र बाराको बलिरामपुर मटिअर्वाबाट अबैध रुपमा भन्सार छलेर नेपाल भित्रयाउदै गरेको सुचना बारम्बार आफुलाई आएको हुदा आफुले बिशेष सुराकीको आधारमा सो मुल्य बराबरको बारा र पर्सा गरी दुबै जिल्लाबाट एकै साथ ४५ वटा गोरु र राड्डा भैसी पक्राउ गर्न सफल भएको सशस्त्र प्रहरीको भन्सार राजश्व गस्ती बीरगंजका प्रमुख सशस्त्र प्रहरी नायव उपरिक्षक तिलक खडकाले जनाएकाछन ।
सशस्त्र प्रहरी भन्सार राजश्व गस्ती टोलीले नियन्त्रणमा लिएको ४५ वटै गोरु र राड्डा भैसी आवश्यक कारवाहीको लागी बीरगंज भन्सार कार्यालयमा बुझाईएको सशस्त्र प्रहरी नायव उपरिक्षक खडकाले बताएकाछन । पर्सा प्रहरीको मिलोमतोमा पर्साको ग्रामिण भेगबाट ब्यापक तस्करी भै रहेको छ ।
सशस्त्र प्रहरी बल राजश्व तथा भन्सार गस्ती सुरक्षा बीरगंजले चालु आर्थिक बर्षको श्रावण देखी चैत्र महिना सम्मको ९ महिनामा करिव ६ करोड मुल्य भन्दा बढीको अबैध तस्करी सामान पक्राउ गरी बीरगंज भन्सार कार्यालयमा बुझाई सकेको खडकाले बताएकाछन ।