पदमकन्य क्यापस बन्यो तनावपूर्ण , महिला प्रध्यापक र विधार्थीले गरे आन्दोलन
प्रकाशित मिति : चैत्र ३, २०७५ आईतबार
काठमाडौको बागबजारस्थित पदमकन्य क्यापसमा महिला प्रध्यापक र विधार्थीले आन्दोलन गरेका छन ।
आइतबार बिहान महिला प्रध्यापकलाई क्याम्पस प्रमुख बनाईनु पर्ने माग गर्दै क्यापसमा नाराबजी र प्रदर्शन गरेका हुन । प्रध्यापक निर्मला उप्रेतीका अनुसार आंगिक क्याम्पसहरूमा ३३ प्रतिशत महिलालाई क्याम्पस प्रमुख बनाउन माग गरेर चरणबद्ध आन्दोलन गरिएको जानकारी दिनु भएको छ ।
उहाँले भन्नु भयो, ‘हाम्रो माग संविधानभन्दा बाहिरको छैन । महिला प्रध्यापकहरू सक्षम छन् । उनीहरूलाई पनि क्याम्पस प्रमुखको जिम्मेवारी दिइनुपर्छ भन्ने छ ।’ महिला प्रध्यापकहरूले त्रिवि उपकुलपति, रेक्टर, क्याम्पस प्रशासनहरूमा ताला बन्दी गरिसकेका छन् । उनीहरूको आन्दोलन चर्किदै गएको छ ।
महिलाले मात्रै अध्ययन गर्ने पदम कन्या क्याम्पसमा समेत पुरुषलाई क्याम्पस प्रमुख गराउने गरिएपछि महिला प्रध्यापक र विद्यार्थी रिसाएका हुन् । उनीहरूले कुनै पनि हालतमा महिला प्रध्यापकहरूलाई क्याम्पस प्रमुख बनाइनुपर्ने अन्यथा आन्दोलन नरोकिने चेतावनी समेत दिएका छन् ।